16型人格MBTI｜最難追最易溝？教你攻陷萬年單身狗！

相信唔少人都有做過MBTI16人格的測試，可以透過問題的分析去了解自己真實的個性，以及愛情、職業取向等，唔少網民。最近更流行起將MBTI16人格再加以分析，一齊睇吓MBTI16人格中，咩人格最難追，最難出pool同最易得米！

如未知自己邊款可以先了解一吓：16型人格MBTI｜心理測驗10分鐘了解自己真實性格+理想職業！

最易得米：ESFJ、ISFJ、ESFP、ENFP

ESFJ、ISFJ、ENFP、ESFP呢4個人格就最易得米，溝佢哋的難度完全唔難。ESFJ的人格，只要你對佢展現出你一啲美好的諗法，再融入佢的生活圈、朋友圈，多行動少說話就可以取勝。ISFJ對佢唔好太強勢，要注意相處的細節，用真誠同埋俾足夠的安全感就可以打動佢。ENFP朋友好多，就自然圈子大多人溝，只要你表現出溫柔、有趣又帶有神秘感然後係ENFP需要你的時間就及時出現，就可以成功ko！ESFP係4個類型最易溝，因為佢係唔會抗拒眼前的誘惑，唔會諗咁多長遠的事，只要你投其所好，就基本上可以得米。

難度2：ISTJ、ISFP、ENFJ

ISTJ、ENFJ、ISFP難度相當高一點，ISTJ對感情慢一拍，你對佢基本上要瘋狂拋直球佢先會明白你的心意，同埋要同佢打長久戰，太急太chur都會嚇親ISTJ，不過溝到手ISTJ會成為非常可靠的伴侶。ENFJ要令佢激起對你的保護欲，佢哋多數鍾意柔弱type，同埋心地善良，攻打係要瘋狂讚美。而ISFP基本上都係靚仔靚女，對物質都有一定要求，本身又可能多才多藝，令人難以靠近，所以唯一可做就係盡力主動。

難度3：ENTP、ESTP、ENTJ

ENTP、ESTP、ENTJ難度為3粒星。ENTP雖然容易同人對上眼，唔難溝，但要發展長遠就難，因為ENTP對伴侶好苛刻，追求精神上的共鳴，一算同你一齊得耐都未必會同你談婚論嫁！ESTP睇重物質同外貌協會，仲要帶點聰明，又唔太普通。ENTJ喜歡就是優秀！條件唔係樣樣都好的人基本上無法駕馭，討厭不自量力的人！

難度4：ESTJ、INTP、ISTP、INFP

ESTJ、INTP、ISTP、INFP難度為4粒星。ESTJ的人睇重你個人的實力，只要你係無實力的人，就會完全無餘地咁拒絕你，而所謂的實力就由佢哋自己定意了。INTP最愛聰明豆，唔夠聰明無法共鳴，會認為交流唔到，而且唔多會由朋友變戀人，多數都係一開始就要用個人魅力去吸引佢。ISTP要引起佢的注意，引起後仲要通過無數佢對你的考驗，經得住呢啲先可以得到佢的真心。INFP超級敏感，只要有小小風吹草動，就即閃人，你無足夠的耐性完全係追唔到佢，同埋INFP對情感的要求好高，要滿足佢又要比足夠的安全感佢先得。