16型人格MBTI｜最好呃排名！第一名只要你想呃就呃到！
如未知自己邊款可以先了解一吓：16型人格MBTI｜心理測驗10分鐘了解自己真實性格+理想職業！
16型人格MBTI︳最難呃：INTJ、ENTJ、ESTP、ESTJ
INTJ、ENTJ、ESTJ、ESTP呢4種人格係最難呃，基本上係你趷起條尾就知你想知！INTJ天生就對周圍的人非常帶有防範意識，覺得人哋接近佢總係帶有目的性，所以下意識就會自然築起高牆，對你先進行觀察，所以唔係老江湖基本上係呃佢唔到。ENTJ時時刻刻都係度衡量價值，同對方來往時不斷衡量值唔值得自己花時間、花心機等，完全係功利主義，所以要呃佢哋都要花一定的心機。ESTJ通常只係關注自己的事業，唔係花心機、時間係其他方面，所以呃都只可以呃佢事業上的事，其他時候想呃都無嘢好呃。ESTP本來就自帶「江湖騙子」，洗腦式講嘢，根本唔知邊個呃緊邊個。
16型人格MBTI︳比較難呃：INFP、ISTJ、ISTP
比起INTJ、ENTJ、ESTJ、ESTP，INFP、ISTJ、ISTP相對難度係易啲，但都係唔易呃。本身自帶悲觀意識的INFP睇落好似易呃，但其實完全唔係省油的燈！因為佢哋睇嘢好消極，會覺得「好嘢點知發生喺我身上」，就令佢哋自然避開啲呃人的嘢。ISTJ擅長計算利益所得，無論係工作定生活上都會計算一番，唔令自己蝕底，咁精明的人又點會易呃。ISTP性格孤僻，有自己獨立獨維，超級有主見，要呃佢哋真係要諗吓點說服到佢哋先。
16型人格MBTI︳一般好呃：INTP、ISFJ、ENTP
INTP、ISFJ、ENTP又邏輯學家、辯論家同守衛者但其實唔係真係咁難呃。INTP思維本身就比較奇怪，成日喺圈子格格不入，仲鍾意追根究底，所以就要先呃INTP，就要成功答到佢哋千萬條問題。INTP的破綻就係佢哋好容易俾親近的人呃，如果成功獲取佢哋信任之後，就好容易呃到佢哋。ISFJ平時睇落任勞任怨，但對身邊的人有一定的警戒心，深入世俗的佢哋有一定的防範之心。ENTP睇上去聰明，醒目，成日出到唔同的主意，但其實會被人洗腦，情緒激動起嚟仲會做出唔明智的決定。
16型人格MBTI︳比較好呃：INFJ、ENFJ、ENFP
INFJ、ENFJ、ENFP基本上都可以騙到！只要對INFJ賣慘就搞掂了！INFJ好容易耳仔軟，同埋頂唔順人哋囉唆，咁樣俾人sell兩下就呃到了。ENFJ係大愛L！本來就係大家可以犧牲自己的人格，咁樣好容易俾人利用，更上本來就感性行前，好容易俾人呃。ENFP完全係天真嬌，小小浪漫就令佢自己係度狂FF，成日都會諗「萬一係真點算」，對人無咩戒心，非常容易輕信他人。
16型人格MBTI︳最好呃：ISFP、ESFP、ESFJ
ISFP、ESFP、ESFJ最最最好呃，簡單係唔呃佢哋呃邊個！ISFP份人無乜脾氣，又缺乏判斷力，成日俾人牽著鼻子走。ESFP簡單係長唔大的小孩子，日日剩係諗吃喝玩樂，心智唔成熟，對未來又無打算，容易俾一下的利益或快樂就呃咗，自己仲傻傻吓唔知咩事。ESFJ係最好呃，表裡如一，真面目示人，無機心，又有奉獻意識，最容易吸啲不懷好意的人。
