唔使驚後悔！紐約紋身店推出「限時紋身藥水」、圖案1年後自動褪色消失！

撰文：海月｜圖片：Ephemeral Tattoo Studio

紐約紋身店推出「限時紋身藥水」

早前紐約一間紋身店「Ephemeral Tattoo Studio」，邀得頂級皮膚科醫生及化學工程師組成團隊，花費超過6年時間研發出具醫療級並且可生物分解紋身藥水，官方表示呢隻「限時紋身藥水」喺皮膚上使用後，經過9~15個月後就會慢慢自然褪色，所以亦自稱史上第一家保證顧客絕唔會後悔嘅紋身店。

到底呢隻「限時紋身藥水」有幾神奇？只西喺皮膚上使用一年後，「限時紋身藥水」就會分解成極小微粒，並被人體吸收，最後徹底消失。而「限時紋身藥水」可以用於常見文字外，「Ephemeral Tattoo Studio」亦有提供紋各式各樣貓狗、花草、抽象圖案，不過唯一限制就係「限時紋身藥水」目前只有黑色可供選擇，如果想要彩色紋身就要再等下喇！

圖案徹底消失後，用家就可以重新設計下一個自己想要嘅圖案，對經常一時衝動而去紋身嘅朋友嚟講絕對係喜訊！而「Ephemeral Tattoo Studio」亦喺IG上分享唔少用家意見，普遍都對「限時紋身藥水」及紋身服務十分滿意，有興趣嘅朋友都可以上官網睇睇！