【fit Diva】運動女生必讀！3種Sports Gear挑選攻略！
第1類：靚字行頭型
成日都話「沒有外在美，那有空管你內在美。」一套sports gear靚的話，著出街又得、做運動又得！帶大家睇下Adidas嘅運動套裝先，一眼望落去嘅淺藍色Tank已經好有清新感覺，襯番件淺藍色同花花print嘅透身jacket，夠夾之餘，出完汗著件薄嘅外套就唔怕凍親。至於下身，當然唔少得今年大熱嘅stan smith啦，淺藍色＋白網紋面相當特別。為免全身太藍，中間襯番條紫色為主嘅迷彩短裙同其他黑色配件，掂晒！
Text–fit Diva Photo–Tung
睇完Adidas點少得Nike，呢一套漸變色嘅套裝夠晒吸睛，採用排汗彈性物料同網布，非常通爽仲點郁都唔會覺得扯住扯住，而且修身設計，襯咩都好容易又好似呢件Tiffany blue嘅無袖外套，笠埋頂帽都幾有曹星如feel㗎！鞋我就揀咗呢對粉紅色free flyknit，夠「螢」又夠輕，就算襯牛仔褲都冇得輸。
第2類：重視功能型
作為一個運動女，唔多唔少都要睇番實用性嘅，所以又點可以少得UNDER ARMOUR呢？單係sports bra已經非常專業，好似緊貼胸部嘅壓縮式(compression)，可以減少運動時晃動；而杯形設計嘅罩杯式(encapsulate)，無鋼圈所以好舒服，但承托力及固定效果都好正。下身揀番條短褲或者緊身褲，仲可以按照個人需要揀番啲頭帶或者腳套咁，照顧全身嘅需要。
第3類：户外專業型
若果以上都唔啱你心水的話，咁你就要去選擇多多嘅PULSE by GigaSports喇，除咗熱門嘅牌子外，一啲專業運動牌子都一樣有，好似Lorna Jane、2XU同JA’MOIRE等等。有幾專業？以2XU嘅緊身褲為例，以革命性嘅MCS技術同PWX 保暖物料，著咗佢你應該都會成為一個西伯利亞人，冬天的冠軍！而家夏天未用得著？咁Lorna Jane嘅吊繩綁帶sport bra 同JA’MOIRE 2合1裙褲，吸濕排汗快亦好透氣，幾熱都唔怕，仲要sporty得嚟又夠lady！同場仲有大把運動配件好似護膝、運動腕錶同瑜伽墊等任你揀添！
Checkpoint
以上咁多sports gear喺朗豪坊都買得到。大家除咗用心揀款之外，記住仲要揀啱時間去！因為朗豪坊而家做緊WEEKNIGHT OUT優惠！即日起至6月30日，逢星期一至四晚7點起（假期除外），憑商場內2間唔同嘅商舖合共滿$400即日機印消費單據（其中1張必須為HK$200以上嘅餐廳晚市消費單據），即可換領以下其中1項獎賞：
－ CINEMA CITY換票證1張（價值HK$95）＋3小時免費泊車優惠
－ 朗豪坊商場 HK$50現金禮券1張＋3小時免費泊車優惠
做運動前記住去朗豪坊做定warm-up先！
