【藍橘子】《睇咁多年獎門人教曉我的事》

Text:藍橘子 Photo:電視截圖

內容由博客提供及授權轉載，不代表本刊立場

到我長大咗，梳化坐多咗個人，就係我女朋友，當年係睇《鐵甲無敵獎門人》。

又到近期已經無乜睇電視，但有時都會開電腦睇返重播。獎門人咁多年嚟，做完又做，節目名換過

好多次，講終極篇，點知換個名又嚟過…

獎門人身邊嘅長老換完又換，身邊有人紅咗就走，一去無回頭，亦有人一直留喺身邊。

此外，節目亦見證住唔同年代嘅口味，由一開始，遊戲考驗明星智慧、急才、反應…
超級無敵馬拉松，次次網上有重溫片段都會睇，當時仲請到唔少大明星上節目。

當開始大家覺得悶，節目變成以獎門人嘅威名令明星出洋相，明星成臉cream、跌落水…令觀眾棒腹大笑。

又隔一排，大家開始批評獎門人遊戲無聊老土抄襲，為咗要女嘉賓走光，特別設計各種遊戲同鏡頭。
但無計，雜誌媒體最鍾意就係報導明星走光，觀眾又真係最鍾意睇。

所以，全城都鬧爆獎門人作為一個輕鬆遊戲節目，唔需要為收視而做到咁。

不過咁多年嚟，有一樣傳統係獎門人一直都無變過。

就係『打和』。

每次見長老問獎門人究竟邊隊贏，獎門人總係擺一擺弄雙手講「打和」。初時睇到覺得好無癮，其中一隊仲要輸得咁明顯，玩遊戲點可以打和啊！

睇耐咗、習慣咗，再諗深一層，乜輸贏真係咁重要咩？

無論工作、學業、就連射精前…

香港人乜都要贏，樣樣都要比其他人更強、更多、更快，乜唔攰咩？

香港生活模式愈來愈窄，讀書唔升大學，乜有得揀咩？當你以為讀到好嘅大學，將來就會有得揀，

點知個社會好多嘢原來都係無得揀。

跑到氣咳，終點亦只得一個，就係買樓！

買到樓就係贏，買唔到樓就輸。

其實…有時我都好想獎門人行出嚟同我講…

「你玩得咁努力，呢場打和吖～」

內容延讀：
【藍橘子】《女朋友最鍾意嘅影相姿勢，名命為『喂嗌妳啊』》
>>> LIKE我們fb <<<
fb.com/newmonday.com.hk