【張晨】《有啲人，永遠同你有兩秒距離》
【張晨】《有啲人，永遠同你有兩秒距離》
Text:張晨 Photo:電影截圖﹑Youtube截圖、Instagram
既然人類有喜怒哀樂，
上天自然會為你製造某種角色，去將你嘅情緒發揮到淋漓盡致。
而嗰種角色，有個特點 — 永遠同你有兩秒距離。
咩叫做兩秒距離，以運輸署嘅準則，就係一個「安全距離」。
再文雅啲，就係「你望到佢，但掂唔到。」
好多時，人與人之間彷彿都有種牽引。
而有一種牽引，係永遠拉到好近，直至你捉到對方之前，就停頓。
明明覺得好有緣分、明明覺得就快達陣，但就係差嗰兩秒。你有時會放棄，唔再搵呢個人，唔再做主動。
OK！慢慢忘記佢。
你難得地灑脫。
可惜，正當你接近完全忘記，將「兩秒距離」變成「二百秒距離」嘅時候，
上天又創造一條繞道，令你再次緊貼佢嘅車背。
更灰心嘅係，你哋都唔係有心要搵對方，可能只係工作上咁啱遇到、又或者於朋友間穿梭時恰巧撞上，總之你哋嘅關係，又出現一種「可以進一步」嘅假象。
當然，歷史又再重演。你哋始終唔可以走埋一齊，原因有好多，例如你遇返佢嘅時候，佢已經有另一個；到佢需要你嘅時候，可能你又準備緊忘記佢。
捉錯用神、陰差陽錯。
老死阿強都有過咁嘅經歷，有個女仔都不斷喺佢生命中穿梭，
但中間其實有十年雙方冇傾過半句計。
只係每隔一兩年，阿強又會喺唔同場合遇到佢。
每一次，阿強都諗住過去打聲招呼，每次都失敗收場。
有一次，係佢覺得自己著得太Hea，唔想畀佢見到，主動迴避；
有一次，係雙方身邊都有一大班朋友，走過去略嚴面懵；
有一次，佢真係追上去，由十米到五米到兩米，再到兩步…
淨返兩步，阿強停步。
唔知點開口、唔知開口之後又可以點，或者佢只係承受唔到一個風險 —
「都咁多年，或者佢已經唔記得我。」
兩步距離，阿強保持一個最安全嘅關係步數，選擇放棄。反正沒有結果，
你記得我就夠。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
