【張晨】《長程巴士的浪漫》
而且長程更佳。
朋友聽到，一定起鬨：「巴士？？好L慢喎！」
我望一望佢，輕輕一句：「就係貪佢夠慢。」
香港人，仲快唔夠咩？
一段長程巴士（當然要等到有位為止），都可以成為一個人的浪漫。
地鐵係快係方便，但多數要逼，
而且就算有位坐，都要接受成卡車廂嘅目光。
但巴士唔同，一個座位一個世界，
你望唔到前面，後面又望唔到你。
即使隔籬坐咗個陌生人，依然互相尊重，
保持一條罅位嘅安全距離，
閒時運氣到，仲會尋到一個具吸引力嘅異性。
大家手臂同手臂之間嗰一毫米嘅空間感，
簡直係最有想像空間嘅一剎那。
喺呢個私密空間入面，你可以瞓、可以睇書睇漫畫，咩都得，因為冇人偷望你，就算拎本《蠟筆小新》出嚟品嚐，都唔驚遭人白眼。
明明《蠟筆小新》冇問題，但我哋總係介意旁人目光。
當然，你都可以望風景。
長程巴士嘅風景，係一個好好嘅思考時間，
好多諗唔通嘅問題，隨住景色變化，
隨住高樓變隧道、隧道變公路，一切一切都豁然開朗。
並唔係架巴士有咩魔力，令你大腦進化，
只係呢程巴士，令你稍稍靜落嚟。
喺呢個急到傻嘅社會上面，分分秒秒都覺得「靜」同「放空」係奢侈品。
只有上到巴士，你再冇選擇，心中只剩下目的地，等待之際，自然較為冷靜。
有時你會諗：「如果架巴士永遠都唔到站就好啦。」
你懷住呢種心情，慢慢從上層走落下層，再重返地面，帶住一種新諗法挑戰現實。
喺鬧市之中，急速節奏上揚，「安靜狀態」已經向你揮手。
你望住巴士嘅車尾燈，喺度諗：「下次，我一定揀搭巴士，如果時間許可的話。」
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
