【率先睇】SlideTheCity HK千呎滑梯瀡盡攻略

風靡美國嘅「SlideTheCity HK」會喺今年8月22至24日「瀡」到香港嘅啟德郵輪碼頭行李大堂同停泊區，今朝我哋就率先出咗記者會嘅50呎示範滑梯試玩，感覺已經好正，唔知真正嘅1,000呎滑梯又會正到點？到底係咪大人細路哥都啱玩？排隊又要排幾耐？用乜姿勢最好…我知你有好多問題，無有怕，就等我哋教你點樣瀡呢條千呎滑梯先夠盡興！

Text-專題組

1.負責人Carvin話，真正嘅千呎滑梯會喺高6米嘅地方開始瀡，佢話要瀡得順瀡得快，首先要攞住個水泡助跑，然後一嘢瀡落去，咁就可以瀡得好遠好順。至於姿勢你可以趴可以坐，當然趴喺度以頭落先就梗係刺激啲啦！

2.至於服飾方面，因為可以俾你坐住個水泡瀡，所以女士就算着3點式，走光機會率亦唔大。大會亦許可你着tee同任何類型嘅短褲，長褲就唔ok喇！

3.其實舉辦嘅地點都幾「隔攝」下，不過大會將設有免費穿梭巴士來嚟場地，正確地點就有待公布。不過邊瀡邊欣賞到香港海旁景色，都OK啦！

內容延讀：

＞瘋狂障礙跑Crazy Inflatable Run 5K 癲到嚟香港！

＞女生必學！5個「型不甩」運動髮型BY HIDY BOBO

5. 呢點好重要！大會每日只係接待大約6,000人，就算滑水梯會為3條水道，大家都要有心理準備要排隊，所以時間好重要，以下就有詳細開放時間同票價。另外唔同票價嘅贈品亦唔同，記住睇下有無送水泡呀！

	售價
票種	早鳥門票	正價門票	體驗時間	套票贈品
日間無限次體驗	港幣420元	港幣480元	早上10時至傍晚6時(入場時間:早上9時30分)	· 口腔保護器· 防水背包· 水泡· 大會紀念帽
晚間無限次體驗	港幣420元	港幣480元	傍晚5時至晚上10時(入場時間:下午4時正)	· 口腔保護器· 防水背包· 水泡· 大會紀念帽· 1杯免費飲品
單次體驗	港幣120元	港幣150元	早上11時至傍晚5時(入場時間:早上10時30分)	· 口腔保護器· 防水背包
三次體驗	港幣280元	港幣320元	早上11時至傍晚5時(入場時間:早上10時30分)	· 口腔保護器· 防水背包· 水泡