NIKE x F.C.R.B. 2015 S/S 足球時尚美學
廣告
運動同時裝基本上已經不可分割，即使係國際high brand都要由運動界吸取靈感，帶有唔同類型運動元素嘅時裝大家都已經見怪不怪，但由潮流角度入手嘅運動服你又點睇？
F.C.R.B.，就係由清永浩文掌舵嘅SOPH.同NIKE聯手成立嘅服裝支線，以足球運動為設計靈感，自幾年前推出正式改變世人對足球look嘅成見，咁多季以嚟F.C.R.B.玩過嘅元素可謂多不勝數，嚟到2015第1擊，到底重有咩新元素可以玩？
text – Lok（ig：loklokb1021） photo – Jacy model – Sergey K.@STARZPeople
豹足一聲
F.C.R.B.每個季度都會以唔同潮流元素示人，多年嚟曾經玩過迷彩、星柄、米字旗呢啲街頭key factors，上年更加食住世界盃大玩經典足球鞋款Tiempo，亦試過一改街頭風格，注入縱向間條紳士元素，講咁耐，到底2015新季度玩咩？答案係：豹紋。
花到盡
今季F.C.R.B.大玩豹紋，繼續潮化唔同足球運動單品，包括有波衫、波褲、外套等等，配以藍、黃、綠、黑4色，平時著豹紋，輕則冇哂剛陽味，重則娘味濃，但偏偏清永浩文一玩就要玩到最盡，出set full gear嘅足球運動服又出奇地唔難carry，跟據前幾季嘅經驗所得，2015 S/S絕對會係潮人心水。
