NIKE Free 2015 春夏涼品
廣告
「Free」一字，放於唔同地方、環境會有唔同意思，眾所周知「Free」喺NIKE世界入面代表「赤足」，以最原始嘅自然律動為大前題，不過嚟到春夏，「Free」嘅定義就再多一層。
近日潮濕同炎熱嘅天氣，提醒我哋又係時候換季買新鞋，講到買鞋，除咗外型要有春夏氣息之外，就連設計都要因而調整，NIKE Free Socfly同NIKE Free Virtuous就是成功的例子。
text – Lok（ig：loklokb1021） photo – Hinnn
NIKE Free Socfly 潮化懶人鞋
著鞋時雙腳嘅舒適度一向係大家所追求嘅最大目標，踏入春夏尤其重要，NIKE Free Socfly絕對會係今夏嘅一個good choice。全新嘅NIKE Free Socfly自從推出全白配色就備受矚目，鞋面採用一體成型無縫線嘅熱融技術打造而成，以方便易著嘅魔術貼取代鞋帶，同時搭配Free 3.0切割式鞋底，提升赤足度。感覺就好似將LunarFly 360配上Free底，成對鞋一體性極高，上腳方便而且非常靈活舒適，而配色亦令人驚喜，除咗淨色普通版，重有漸層色SD版，豐富視覺效果，夏天襯短打一流。
NIKE Free Virtuous 女生專屬
其實有少少講到厭，不過都係不得不提，冇錯又係「女生專屬」，今年女生年，除咗搞NIKE Women 10K之外，連出鞋款都只限女裝，講緊嘅係NIKE Free Virtuous。
全新Free Virtuous採用Huarache嘅輪廓，改為襪套式設計，鞋面由橡膠網面同無縫面層組成，唔只輕而且好透氣，底部以Dynamic Flywire保持同雙腳緊貼，再搭載舒適Free底。除咗時尚感爆燈嘅黑白配色，重追加一對混合配色，都係嗰句，女生專屬，男生只能葡萄。
