NIKE Dunk Lux SP 「Sherpa」雪中送鞋

NIKE嘅鞋款之所以咁吸引，其中1個原因係佢哋往往可以將唔同嘅文化、故事互相融合，效果好之餘重會帶俾你驚喜，最新融合結晶有NIKE Dunk Lux SP 「Sherpa」。

「Sherpa」，雪巴人，或音譯為夏爾巴人、謝爾巴人，係1個散居於尼泊爾、中國、印度同不丹等國邊境喜瑪拉雅山脈兩側嘅民族。常年生活於高山地帶，係天生嘅登山嚮導，為各國登山隊提供嚮導同後勤服務就係雪巴人嘅主要經濟來源之一。NIKE就以雪巴人居住嘅生活環境為靈感，套用於經典鞋款Dunk Lux SP之上，鞋面採用全皮革，適性而耐用，鞋底Lunarlon緩震技術搭配記憶海綿鞋舌足以好好保護雙腳，最重要係鞋內加咗1層綿，集緩震同保暖技術於1身，加上黑白兩種最易襯嘅配色，咁都俾NIKE諗到，好嘢！

text – Lok（ig：loklokb1021） photo – Sun