NIKE Air Max 95 20週年 新舊復刻+達人訪問

數一數，今年係Air Max 95 20週年，玄門正宗OG復刻就梗，加上沿用Air Max 95設計新作Air Max 95 Ultra Jacquard推出，新歡舊愛同時兼備，唔識揀？最好訪問埋波鞋狂迷心水。

text-England photo-MikeW. & Sun

內容延讀：

＞必要識埋！Air Max 95你知道唔知道的10件事！

>更要睇埋！杜如風東京3大男潮店攻略

蠶蟲訪問

劉雲傑（漫畫家）《百分百感覺》作者

第1次接觸Air Max 95係幾時？
起初Air Max 95推出時顏色超sharp，設計又前衛，香港並唔係好受歡迎。時香港潮流完全係跟日本，而陣時日本雜誌《Boon》、《GETON！》狂煲下，對鞋真正紅起應該係96年咁上下，好在未炒得最癲時候入手。

覺得佢設計如何？
唔好睇佢好似好臃腫，從上面望落去，你就會發現對鞋1條直線都冇，可想而知Air Max 95設計極具流線型。另外，鞋側面用上深至灰色皮製作，撞番少少螢光色上去，完全係恰到好處。相比起近年波鞋，好似愈出愈冇款。

點解當年冇畫對Air Max 95《百分百感覺》封面？

一來，對Air Max 95線條極多又複雜，要畫得靚真係好難。二來，由於對鞋玩黑灰漸變tone為主，所以用黑白tones更能表達，結果我畫內頁封面（圖1），效果比起全彩更理想。

對近年波鞋潮回歸有咩睇法？
十幾年前真係咩波鞋都買，因為陣新鞋就真係全新款，每對都會追下。但自從望見鞋又甩底又碎底之後，心都碎埋！近年我主力買番我會復刻鞋款算，唔會再儲鞋。至於近年新鞋，我自己就覺得設計好保守冇乜款，可能波鞋設計都去到樽頸位。

你最鍾意邊款波鞋呢？
我最鍾意係AJ 11，襯牛仔褲襯西裝都一樣咁型。其後Zoom Flight 95、Air Max 95及Footscape都係我至愛波鞋，其實第9期《百》cover（圖2）已將我喜愛完全表達。

MastaMic（Rapper）a.k.a. sneakerhead

第1次接觸Air Max 95係幾時？
1995年出Air Max 95陣，我先得9歲，剩係記得呢對螢光色鞋好鬼招積。之後再數落去，就係錢家樂《烈火雄心》成日住對Air Max 95走走去，對鞋極之搶眼。而講最特別，就梗係漫畫《GTO》鬼塚對鞋換架BMW啦，經典到呢。但講到我真係買Air Max 95，應該係5年前復刻元祖色時先至買得到。

覺得Air Max 95係對點樣波鞋？
每個年代都有可以代表，而Air Max 95就可以代表到90年代種「高科技」同「科幻」味道。另外，Air Max 95出現之前，絕大部分波鞋都係白底，你幾乎搵唔到波鞋係會用上黑色鞋底作主色調，呢個detail好似好小事，但劃時代永遠都從細節起，佢做樣remarkable事，就足以成為經典。

對近年波鞋潮回歸有咩睇法？
每個年代都有屬於自己波鞋文化，雖然上年籃球鞋相當火熱，但要講真正屬於呢一代波鞋，我覺得係高科技low-cut款跑鞋先係王道。好似Flyknit成功、YEEZY BOOST狂熱，佢嶄新設計先係呢個時代象徵。

你最鍾意邊款波鞋呢？
以Air Max計，我最鍾意係NIKE聯同Eminem推出Air Burst Slim Shady，家陣已經成為傳說波鞋。另外，Eminem用對灰藍Air Max 95我都like呀，係元祖色以外must buy！

內容延讀：

＞必要識埋！Air Max 95你知道唔知道的10件事！

>更要睇埋！杜如風東京3大男潮店攻略

20週年經典重塑 Air Max 95 Ultra Jacquard
今年Air Max 95 20週年，除OG復刻外，其實NIKE亦製作出嶄新變種Air Max 95 Ultra Jacquard，我搵設計師Ben Yun訪問當中細節，究竟呢對新鞋有乜來頭？

你覺得Air Max 95係對點樣鞋？
當其時已係鞋履設計師我，對當時NIKE推出Air Rift及Air Max Squared尤其鍾情 ，因為佢突破當時波鞋所有設計。而之後見到Air Max 95，由物料到鞋形，根本就顛覆晒整個波鞋工業。之後1年，我就加入NIKE成為設計師。

可以講講Ultra Jacquard設計過程嗎？
Air Max 95本身最classic係乜？前掌air bag、黑底、螢光色，以上種種都要悉數保留。之後我再搜集Air Max 95舊有設計資料，就發現到Air Max 95係以人體肋骨為骨幹去設計，而漸變灰就係肌肉紋理。於是我再以人體工學為概念並再細節化，以Flywire及織物製作鞋身，以代表血管及細胞。

今次設計20週年Air Max 95 Ultra Jacquard最困難係乜？
最困難地方就係Air Max 95實在係太經典，你稍稍作改動都好，就好容易偏離Air Max 95。所以我今次係以「改良」為方針。因此，整對Ultra Jacquard物料、重量、靈活度方面可以話係全面提升。而外形方面，就盡量維持跟原版最接近模樣。

Air Max 95 Ultra Jacquard
綜觀而言，Air Max 95 Ultra Jacquard就係以輕量化物料並加上Flywire 2.0於鞋身上，整對鞋比原版修長，但就減去好似岩層形狀皮面，可以話更似1對跑鞋，但就感覺少咁陣時裝感，有辣有唔辣。
各$1,299（7月16日推出）

WMNS Air Max 95 Ultra
相比起男裝，女裝款Air Max 95 Ultra設計更似元祖Air Max 95，但刪走前掌air bag。而以往皮部分轉為Phylon縫合物料，所以整對鞋輕量化不少。
各$999（7月16日推出）

NIKE Kicks Lounge 尖沙咀海港城港威商場3樓3237號鋪 3580 2783

內容延讀：

＞必要識埋！Air Max 95你知道唔知道的10件事！

>更要睇埋！杜如風東京3大男潮店攻略