【Kobe】西伯利亞人 冬天的冠軍
學術完一番就講番個行程，幾年前我與幾個朋友由北京出發，搭西伯利亞鐵路去俄羅斯莫斯科。整個車程要6日半，我們因為不想「太離地」，選了幾個中途站打打地氣，當中包括貝加爾湖所在地伊爾庫次克（Irkutsk）。由北京去都要兩日半，所以落車時雙腳着地一刻真心感動到想喊。不想坐太耐火車，香港其實有航班去，轉機1次，$3,000左右起跳，但最快都要十幾粒鐘。
自小我便很想去西伯利亞，原因簡單又無聊，細個看《聖鬪士星矢》，最鍾意的冰河就是來自西伯利亞，所以好想去感受下它的「絕對零度」。去到當然沒有 絕對零度，西伯利亞-60至-70度已經好盡，加上我4月去，開始融冰。但融冰有融冰的好，因為我同一時間，可以睇到貝加爾湖冰面湖，又睇到水面湖，亦睇到浮冰面湖，覺得自己賺咗。
土生土長的導遊Jack話融冰時感覺會特別凍，專登帶我們去湖口出水位感受一下，感覺就如幾十個雪櫃冰格一齊吹向自己，影幾張相已凍到成個人硬晒， 有衫就堆上身。貝加爾湖重有乜玩？據聞結冰時可踩單車去遠一點，我們就只能坐氣墊船出湖，如果在湖邊留宿看星亦一絕。還有，記得試試當地名物燻魚，應該是我吃過最好吃的燻魚，但一定要湖邊買，其他地方的燻魚伏味甚濃，兼且價錢貴10倍有多。
身為戰鬥民族，導遊Jack為了激發我們的戰意，建議行山登高賞湖景。其實風景的確靚，但作為港燦，我們亳無準備，行山鞋都冇多隻，碎冰加上碎石， 每行一步跣半步，而且我們沿着懸崖而行，畏高朋友S驚到走不動，有一刻他以為自己會在此死去。不過，猶如魔鬼教練的Jack未有放棄我們，我們仍要行多個 幾兩個鐘上山頂，能夠在西伯利亞行到身水身汗，的確別具風味。
上到山頂朋友們狗衝去影湖景，我就趁機與魔鬼教練Jack吹下水，想知冬天冠軍的西伯利亞人平時冬天怎樣過。他說…..他在泰國有層樓，每逢冬天就飛去泰國，因為他其實也很怕凍﹗
導遊Jack是土生土長西伯利亞人，但他說他每逢冬天都會飛去泰國，因為其實他都怕凍。
text-Kobe Wong photo-Onion Yeung
曾任職財經傳媒十多年
主理嘗滿‧SatisFactory私房菜兩年多
熱愛烹飪、熱愛旅遊、熱愛分享生活
識煮幾味又愛去旅行，同大家大雜燴分享一下
內容延讀：
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
