Air Jordan餐廳登陸旺角？絕版波鞋配手工啤 男人的浪漫
廣告
想買對限量Air Jordan波鞋，坐在電腦前，手慢一點就空餘恨，9成9你就要出旺角留意一下炒價，因為最多波鞋鋪。咦？這間新開的「波鞋鋪」相當有嫌疑，有得睇，有得食，反而未必有得賣喎！這間稱得上是Air Jordan餐廳，當然以多款AJ波鞋作擺設，又有手工啤酒，兩大男人至愛，浪漫死班仔仔。
text-william
走入Air Jordan餐廳 先讓雙眼發光
Snkrholic是一間以波鞋為主題的酒吧餐廳，由門口到店內裝修，簽名球衣、絕版波鞋等，差不多擺放了半間店，就知道老闆是愛儲波鞋的運動迷。餐廳主打主打多款本地及外國手工啤酒，更供應自家調配的啤酒。菜單的小食和主菜，部份也有和啤酒有關，送酒一流，所以不少「波友」就來這兒邊飲手工啤邊傾「波經」，正呀！（題外話：狂賀獌狗炒咗V92）
牆上放滿自家製籃球鞋盒，相當花心思，當中收藏不少令人流口水的鞋款，不過只作陳列用途，買鞋過對面。
由店面的波鞋，到店內天花的籃球，令人眼前一亮，都足見老闆鍾情籃球的瘋狂程度。
店內竟然有Kobe的簽名湖人球衣，今年退役令不少人傷心惋惜，這件球衣更具紀念價值。
Air Jordan餐廳精選 觀賞用波鞋
Supreme × Air Jordan Retro V
Air Jordan VII Championship
餐廳主打20多款本地及外國手工啤酒，更供應自家調配的啤酒Steamworks Kolsh，苦味偏淡，帶甘蔗清香。
店中啤酒選擇頗多，初入門如果怕苦，可以看menu上啤酒旁的IBU（International Bittering Unit），指數愈高，味道愈甘苦。
扒春雞（半隻）配黑松露燒汁 $108
店中主菜之一，最宜配味道清新的啤酒。6月更會推出用啤酒入饌的菜式。
無論你到旺角想行街，或是在麥花臣看完波，最適合一班豬朋狗友聚腳聯誼。
Snkrholic
地址：九龍旺角煙廠街31號地下
電話：26083225
營業時間：12:00nn-12:00mn
內容延讀：
