【健吾】不懂你的黑色幽默

我：「我平時答得你少咩？我而家咪答緊囉！」
健：「你邊有咁多時間？」
我：「時間嘅嘢，同你操我條乳溝一樣嘅啫……谷一谷就有㗎啦！」
健：「妖……」

＊　　＊　　＊　　＊　　＊　　＊　　＊

#癡男怨女問健吾　004

不懂你的黑色幽默

08/11/2015 / 16:18:38 / JasonO先生問：如果女朋友好鍾意睇達哥同唱歌，同親佢出街都會好惹人注意。

可能你唔覺得呢個係問題啦，但我就覺得好困擾。

有次去宜家傢俬，人哋遞個購物袋俾佢話歡迎光臨宜家傢俬，佢就大大聲同人唱：「宜家傢俬都不說話 都不想講假說話欺騙你……」

同佢去食豆腐主義，咁就覺得豆腐唔太好食，佢就無啦啦喺間餐廳度大嗌：「如果……豆腐唔撚滑……」

最後好啦，送佢返屋企，見到佢架車就到，佢已經拔捉狂奔重喺度嗌：「契弟走得摩！」

正當我以為呢個遊戲已經完結嘅時候，咁啱有人追車追到P咗喺地上……佢再次秒速回應：「轟呀！肌肉大爆炸！」

我已經因為咁樣被啲黑社會逗咗幾次，重曾經有人問我使唔使的佢去睇精神科，但係兩個人相處嗰陣佢又好正常，我應該點做好？係咪應該先捐香油……

＊　　＊　　＊　　＊　　＊　　＊　　＊　　＊　　＊

親愛的JasonO先生：

我很少跟一些「自命幽默」的人在一起，因為我很害怕「扮笑」。以前聽很多電台節目，都很害怕一些節目主持人，明明拍檔說的話一點也不好笑，但也要虛應賣笑。我做節目的時候，我是真笑的。絕大部分時候，林先生的笑話都是好笑，我才笑的。

你這條問題，我請教了1位朋友。他有一個「自命擁有幽默感，很愛看網路短片」、1年前〈笑你戇鳩怕你嬲〉最流行的時候不斷唱這首歌的男朋友。他說：「同一個自命幽默但其實唔好笑嘅人一齊，係需要勇氣。但呢種困擾同『唔靚仔』、『不舉』、『性冷感』之類一樣，係對方整個人的一部分。講到口都臭啦，揀得對方，就要食晒全套。

「有朋友建議你帶佢去睇醫生，其實你可以試下真實了解下你女朋友呢類行為背後的想法，佢想表達自己？引人注意？純粹無聊當有趣？佢知道你的感覺嗎？」

我的朋友答案算中肯吧？在這個瘋狂的世界，甚麼叫正常？當你的女朋友接觸的「教材」、「模範」，都是網路上最有趣、最異端、最不「正常」的東西，你可以如何要求她「正常」呢？如果她正常，而又不快樂了。

#癡男怨女問健吾　乃健吾面書11月 #回饋面友　特備環節，與其把問題給討論區，給全世界一人一句答，不如問我，我會認真或不認真的答你：https://goo.gl/forms/r40qaJzC6g

text-健吾
內容延讀：
【健吾】賣酒品
【健吾】Ｍ男獨白
廢棄膠樽變聖誕球+ NANOBLOCK限時挑戰砌
東華慈善嘉年華 6大爆心機動遊戲曝光
6部DO姐爆笑經典作品