韓謎日誌-農曆新年篇
講單搞笑嘢你哋知，話說當年我同roommate啱啱初到貴境，喺韓國某間大學修讀韓文，由於同班同學大部分都係其他國家嘅交換生，年紀相當輕，全部90後，我哋真係大佢哋成截，所以我哋深怕同佢哋有generation gap，被人話係「亞豬媽」，所以我哋就夾定計報細數。我哋除咗要記住自己咩年份出世之外，重要記住自己係屬雞、牛、羊定豬，唔係被人問起自己係屬咩生肖時，答唔出就「火羅」喇！重有呀，韓國人歲數係計大1年㗎！所以我哋有咁細就報到咁細囉（年齡）。
而韓國人喺農曆新年嘅時候會食떡국（年糕湯），寓意喺新1年會大1歲； 而過年亦都會好似中國人咁，返鄉下同屋企人過年。至於禮物並唔係送藍罐曲奇，而係送午餐肉套裝、洗頭水套裝等之類嘅實用嘢。對年紀大嘅長輩都係送健康食品如人參等。送俾另一半嘅家長就係名貴嘅韓牛。另外，利是都只係派俾小朋友，出咗嚟做嘢之後就已經冇份，而且係用白色信封，因為白色代表福，同日本一樣，上面會寫漢字祝賀新年快樂等字句。
By the way，今年係我第1年喺洛杉磯過年，呢度日頭又乾又曬，好彩有Avant-sence BB Cushion 同Vieco天然保濕去皺精華油，前者有別於坊間嘅BB Cushion，更透薄易推，係hand carry式又user-friendly嘅無敵BB Cream，既持久又貼服。後者係我最愛嘅韓國有機品牌，全天然、防敏感兼通過PEG 測試，為敏感肌膚提供溫柔保濕功效，唔立又易吸收！我出trip及out job 必備嘅救命item，尤其適合敏感乾性肌。
Pink (핑크)
韓妝達人，本來過着刻板OL生活，自小愛扮靚，更鍾意韓國潮流文化，幾年前隻身遠赴韓國學藝，在江南著名化妝學府Atelier Makeup Academy實習，曾參與過無數韓國fashion shows的化妝實戰，亦試過為韓國小姐化妝。回流香港後，創辦Pink Evolution化妝學校，教授地道韓式化妝，又代理韓國化妝及護膚品牌。Pink長期港、韓兩邊飛，極為熟悉韓國地道及最新的潮流文化，連本土韓國朋 友亦為之驚歎！
詳情可瀏覽本人facebook 專頁PinkEvolution
《Instagram》 : PINKEVOLUTION
