率先完全玩！澳門巴黎人6大必玩點
部份資料來源-新假期周刊 text edit-Jessie photo-Mark、Claylam、Jessie
澳門巴黎人開幕盛況
今日澳門巴黎人終於都開幕喇！想知道入面有咩玩之前先睇喺鐵塔底舉行嘅開幕禮，有歌舞表演之外，更配合多次煙花效果，最後更有場長達幾分鐘嘅煙花匯演，成個鐵塔都配合演出，極之精采！
再睇澳門巴黎人有乜玩？
1. 鐵塔分2層收費
要參觀巴黎人的1:2艾菲爾鐵搭，門票分7及37樓觀景台2個價錢。最正係鐵塔入唔喺鐵塔底部，而係先要喺酒店主樓5樓行天橋進入，進入前還先要經過真・艾菲爾鐵塔歷史長廊，過咗天橋就係7樓觀景台，露天平台景色一般，識睇梗到塔頂睇，搭玻璃升降機上去，約30秒就一登塔尖（37樓高）。
鐵塔觀景台
開放時間：10:00am-10:00pm
7樓觀景台門票：平日MOP98（小童MOP68）；假日MOP118（小童MOP88）
37樓觀景台門票：平日MOP168（小童MOP138）；假日MOP188（小童MOP158）
備註：逗留時間暫不設時、每晚約7時半至午夜會有Slide show表演，記得早些去霸位呀！
2. 情侶拍拖必到 愛情鎖橋
由酒店主樓通往鐵塔的接駁橋，可以見到一排「愛情鎖」欄杆，心水清嘅讀者當然知道係扮法國愛情鎖橋啦。情侶只要買返個鎖寫上名字，二人心心雙扣，係肉麻定冧冧豬，你話呢？
3. 不吃法菜吃中菜？
澳門巴黎人鐵塔內唯一餐廳La Chine，竟然吃中菜？位於鐵塔6樓的中菜廳，除了大路菜式如蒸燒賣、麻婆豆腐之類，重有創意料理如橙味鴨、蘋果咕嚕肉等等。推介黑松露奶黃球、芝士海膽焗生蠔，極度邪惡！更要是親民平均消費約MOP250，同女女去最冧豬！
4 . 真正皇帝式享受超強氣派凡爾賽式裝修
除了鐵塔，其實酒店幾乎所有位都係影相位，所有都係參照法國凡爾賽宮嘅裝修﹕步入大堂即見到25米高拱形天花，中間大噴水池由海神坐鎮，左則是酒店服務大堂，西洋畫作、水晶燈、歐式花地毯等。
5. 必玩3層樓滑水梯
位於酒店平台的水世界，有隻淋水飛船叫「信天翁號」，賣點係熱氣球吊籃，一裝滿水就會向下傾瀉，隨時中招！另外，要挑戰膽量就試試約3層樓高的滑水梯，彎位多又衝又急，管道更是半透明設計，問你怕未？水世界面積唔算大，但收費MOP160可以玩足全日不限時。
6 . 鐵塔陪住你瞓
澳門巴黎人 酒店有近3,000間客房及套房，共有11種類型，當中三分之一可望正鐵塔景，一拉開窗簾就可以跟鐵塔Say Hi！其中「里昂套房」，約770呎，有1房1廳，設計充滿法式摩登之感。一拉開房個窗簾就見到鐵塔，近到猶如喺床邊，可以瞓住歎靚景，晚上更可睇埋閃閃幻燈表演！
新張期優惠﹕$1,398起
入住日期：9月14日至明年2月28日
預訂日期：即日至明年2月28日
住宿：巴黎人雙人豪華大床客房（包早餐或午餐兩份、鐵塔觀景台7樓入場券或THRILLER LIVE C區門票2張、限量版開幕禮物2份）
交通：由氹仔客運碼頭乘接駁巴士前往酒店約12分鐘
查詢：www.parisianmacao.com
內容延讀：
率先踏上樂富「屍囚之路」！勇闖喪屍監獄
>>> LIKE我們fb <<<
www.facebook.com/newmonday.com.hk
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
