【張晨】《曾經，總有啲朋友嘅英文名叫Gucci、Dior或者Hermes》
又曾經，我真係喺地鐵站聽過一段真實對話。
「喂，Gucci，你入咗八達通未呀？」
「入咗啦，Dior呢？一陣想去MK定TST先？」
「睇Hermes頭囉，我冇所謂，但想行下潮特先。」
即係佢哋一群6個人，呢三個叫Gucci、Dior同Hermes，
其他三個分分鐘叫Burberry、Prada同Armani…
睇住一班「名牌」入八達通準備坐MTR去潮流特區呢個畫面，
同經典MK愛情火星小說《我迷失在.* 這場_×°愛情遊戲°°°×》中
「三大富豪嘅仔女去食麥記」劇情都有異曲同功之妙。
但講咗咁耐，呢個「曾經」，又係幾時呢？
我諗係中5左右嘅事。
嗰段時間，我哋開始接觸潮流，
開始學人買潮流雜誌，慢慢就走入邪道，覺得「貴」就係型。
終於，一班高中生假日走落Cwb，
個個成副武裝，袋就LV/Gucci/Parda/etc、
衫就有件Supreme Box Tee、腳踏Dior homme/ Visvim…
每日出街就計下自己成身值幾錢，再沾沾自喜。(唔係班人屋企有錢，只係佢哋將利是錢/暑期工嘅錢拎晒去進貢。)
有呢種思想，難怪身邊會出現過一啲以「名牌」為英文名嘅朋友。
只係一經長大，往事浮雲。
諗返以前嘅畫面，曾經嘅MK潮童，都會會心微笑。
你知道當年嘅自己根本襯唔起一件名牌，
即使你有錢，但冇「經歷」。
掛在身上，只有「7」路一條。
而走過邪道，呢班MK潮童，長大後都愛上咗簡約。
名牌嘅Logo唔需要太顯眼，甚至唔再需要牌子，望上去適合自己就可以。
潮流同人生一樣，最簡單嘅道理，都要繞過遠路先會發現。
又或者咁講，唔行錯過，你都唔甘心。
曾經嘅Gucci、Dior同hermes，已經將英文名改掉，
他日銅鑼灣相遇，佢都只會打一件白tee牛仔褲。
你講笑咁嗌佢：「喂Gucci」
佢會截住你：「7事唔好提呀！」
總有啲朋友，知道彼此曾經嘅羞家歷史。
人數只會減少，而不會再增加。
內容延讀：
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
