「 格仔 控」集合！用Zara新品襯出優雅田園風
廣告
每季總會有一個pattern跑出，繼波點、間條之後，今季曝光率最高的就係 格仔 ！今次跑出的 格仔 叫「Gingham Check」，中文名係「嘉頓格」，就係你同我都好熟悉的「嘉頓生命麵包」包裝上的那種格喇！在白色底色上，以紅、黑或藍色構成 格仔 圖案，經典得來，又滲出淡淡田園味道，難怪被Zara睇中成為春夏新貨主題之一！
經典的 格仔 pattern，同牛仔單品一樣永不過時，但配襯方面的確大有學問，以為揀黑、白兩種基本色就永冇失手？仲要識揀適合自己的剪裁，先可以襯出優雅田園風㗎！
呢位化妝師Alva好 fashionable，full look 「嘉頓格仔」都 carry 都好好！dress from ig@lazysusanlazy
1. 嬌小身型 x 格仔 cropped top 或 迷你長度
如果你屬食極唔肥的嬌小身型，不妨選擇小清新荷葉邊格仔cropped top，或穿上迷你長度的 格仔 短褲／裙，的骰可愛。
細格紋短褲 （未定價）
2.粗手臂 x 露肩剪裁 或 荷葉袖
減極唔幼嘅粗手臂係唔少女性的煩惱，可以選擇顯瘦的off shoulder款式，或今季勁hit的荷葉袖，都可以轉移視線，時尚剪裁輕鬆幫你褪去村姑味，又可以輕鬆修飾手臂線條。
3. 下身肥胖 x格仔 傘裙+尖頭鞋
下身肥胖的女士可以選擇格仔傘裙，貪佢細格設計唔會顯肥，既能修飾腰線又可以遮hip，襯埋尖頭鞋款拉長雙腿線條，又增添復古味，一舉兩得！
