36歲 姚子羚 表哥化身索爆打女
廣告
韋以柔是誰？最近熱播劇《同盟》入面， 姚子羚（Elaine）飾演的韋以柔Kate日日戰鬥格，窄身性感短裙配上斗零高踭鞋，仲同劇中男友陳山聰激吻個不停，晚晚睇到大家熱血沸騰！子羚體重100磅，擁23吋纖腰仲有豐滿上圍，係唔少女士夢寐以求的魔鬼身材，唔知佢有咩秘訣呢？
source-東方新地 text-Arika photo-新傳媒媒體庫、TVB、姚子羚＠IG
姚子羚 《同盟》性感打女
姚子羚在《同盟》飾演韋以柔一角，表面上是集團公關部主管，幫大姐大鮑姐做事，但其實不時要應付打鬥場面，好有挑戰性！雖然子羚要做打女，穿著卻日日性感艷麗。子羚佢同劇中男友山聰有勁多咀戲，日前山聰同子羚宣傳新劇時，大讚子羚好好錫，不知有多少男士想好似山聰咁有艷福呢！
每次出席宣傳活動，搏到盡晒身材！
姚子羚 陳山聰 瘋狂咀
講番《同盟》， 姚子羚令人眼前一亮一幕，肯定係早前同山聰在辦公室先耍花槍，繼而激吻！身穿紫藍色性感短裙，山聰則西裝骨骨勁型仔，型男索女配，正！
之後一集姚子羚同陳山聰就轉場去到電梯中親熱，兩人捉實對方個頭，錫到嘴都歪埋，當時子羚身穿杏色黑吊帶短裙，離開時仲叫陳山聰幫佢降降火，引死人咩！
預告片中亦有子羚超索打女戲，穿著白色連身裙的Elaine遭挾持上車，她在車廂掙扎，不理走光，一下起飛腳狠踹歹徒，成功逃脫。為了《同盟》，打到周身瘀傷，劇中著得少布，無得帶pad保護，下下都要硬食呢！
今年36歲，絕對唔係十八廿二，不過樣貌身材都keep得非常好，體重100磅、上圍豐滿、23吋蜂腰，再加埋白裡透紅肌膚，少女味又有，女人味亦有！佢亦不時在IG甫相派福利，大騷fit爆身材！
佢嘅瘦身秘訣就係經常跑步、行山，又會同胡說八道會一班姊妹做gym，實行健康人生。飲食方面，堅持每餐只食七成飽，亦奉行少食多餐，宵夜都只食菜。佢仲有一個秘訣，就係臨瞓前飲一壺湯，有冇用，身形就係最好的證明！
今次飾演Kate一角咁出位，唔知可唔可以繼2015年《張保仔》的炎貴妃後，再下一城奪得「最佳女配角」呢？
