《踩過界》 李佳芯 清純學生妹vs夜蒲女神
由王浩信、蔡思貝、 李佳芯 (Ali)等主演的新劇《踩過界》在剛過去的周末出街，各個角色造型都相當突出，不過最爆一定是Ali！星期天一集她穿上貼身迷你裙化身夜蒲女神，又換上校服紥馬尾做氣質領袖生，天使與魔鬼一晚盡顯，觀眾都高呼：「不得了！」
來源-東方新地圖片-東方新地，電視截圖
李佳芯 扮清純學生妹
是咁的，劇情講述趙永洪學生時代開始已經暗戀Ali，不過一直都只遠觀而不敢褻玩，連對方叫甚麼名字都不知，所以就拜託做私家偵探的老友張振朗尋人！之後畫面開始出現趙永洪的回憶，見到做領袖生的Ali着住灰色校服，紥起馬尾，充滿清純氣質，難怪趙永洪都大讚純過蒸餾水！
34歲的Ali扮學生妹完全沒有違和感，還令小編回想起學生時代的甜蜜回憶 (如果有的話)…
鏡頭一轉 變夜蒲女神
正所謂「女大十八變」，鏡頭一轉，那些年的清純領袖生已不復見，取而代之的，是夜蒲女神！學生皮鞋變高踭鞋、校服裙變紫色貼身迷你裙，長大後做法官的Ali私生活多姿多采，熱情奔放，喜愛夜蒲，被身邊男士包圍的感覺！
「邪花」系Ali回歸
「在橫行無忌舞池內，令全場圍住也應該…」火辣Ali玩得十分投入，表情十分享受，之後再一個近鏡，香汗淋漓的Ali眼睛半開合，露出一個極嫵媚的眼神，觀眾大呼不得了！Ali之前在《律政強人》及《與諜同謀》都是比較正經的角色，發揮一般，今次終於回歸觀眾最愛她演的「邪花」系角色！
「兩個人玩我都ok嘅！」
最後Ali和張振朗離開夜店，後者還說想大家去另一個地方，深入地了解一下，然後兩人一齊望着酒店……
Ali之後說「兩個人玩我都ok嘅！」張振朗以為自己成功之際，Ali再補充：「不過唔係同你喎，至少唔係呢個moment！」那麼即是之後有機會？
李佳芯21歲制服模特片曝光？
近日有網民喺YouTube頻道分享2003年Ali模特兒時的珍貴影片，當時嘅李佳芯仍是青春少艾只得21歲，照片中見到佢係有少少baby fat。可能當時佢仲細個，未識化妝…詳情請看
李佳芯飛甩初戀男友原因為何？
李佳芯即自爆20歲的初戀經歷最辛苦：「試過有次同佢出街，香港細容易同人擦肩而過，佢會鬧人『你做乜撞我？做乜掂我？』後來我先發覺佢有少少躁狂，我嗰時…詳情請看
