【尋秦記】相隔20年續拍故事！細數7位要角演員廿年變化

撰文：Andy｜圖片：《尋秦記》截圖｜編輯：海月

【尋秦記】相隔20年續拍故事7位演員廿年變化

林峯

《尋秦記》飾演嬴政可以話係林峯出道嘅巔峰作品。不過，當時佢膚色黑黑實實。面仲有d Baby Fat。

係TVB奮鬥多年嘅林峯早就上曬位。個樣越來越型，膚色轉白，五官更立體。

同吳千語分手後，同張馨月結婚生仔，喺40歲嘅年紀榮升做父親。

郭羨妮

香港小姐郭羨妮係《尋秦記》劇中一身白衣，可以話係白衣勝雪。有特別嘅氣質，冇錯，係仙氣！

佢仲因拍呢套劇同古天樂傳緋聞。不過，郭羨妮最終選擇嫁俾內地動作導演朱少傑。兩人於多年前結婚生女，囡囡已經7歲大，家庭美滿幸福。

江華

《尋秦記》仲飾演反派嘅江華早已轉行，不過網民依然記得佢。早前得悉《尋秦記》拍電影版時，網民齊齊集氣呼喚佢返來拍《尋秦記》，不過佢就表明唔會參演。

不過，佢離開TVB之後多數係內地拍劇。之後仲轉行做保險經紀。

57歲嘅江華雖然冇出現喺幕前，不過佢依然Keep得唔錯。江華上年仲透露，自己嘅仔仔成為咗一名護士，抗疫期間為香港出一份力。

雪兒

47歲嘅雪兒簡直可以話係食咗防腐劑，keep得非常好。當年雪兒拍完《尋秦記》之後就翻到新加坡，其後就因為結婚而淡出娛樂圈。不過早喺四年前復出，更於《殺破狼•貪狼》同古天樂合作，其後亦間唔中客串下電影及電視劇，早前ViuTV亦有演出。

滕麗名

當年係《尋秦記》入面，滕麗名飾演一名殺手。造型可以話係偏陽剛。當時佢係TVB拍嘅劇亦多數係女強人角色。

事隔近廿年，成為人妻嘅佢，早就女人味爆棚。之前中接埋豐胸廣告，成為唔少巴打嘅女神，宜家就主力喺《愛回家．開心速遞》中演熊尚善。

古天樂

由電視轉戰大螢幕，不但以一名演員繼續演出，更成為香港大嘅製作公司《天下一》嘅老闆。多年來，除左作為一個演員表現出色外，作為一個企業家亦稱得上卓越成就，近年更成為香港演藝人協會會長，為一眾藝人出心出力。

最難得嘅係古天樂仲好有愛心，多年來堅持行善，投資興建大量愛心小學。連最挑剔嘅大陸網民都對佢有讚冇彈。

宣萱

宣萱早就離開TVB謀求更多發展空間，早前同古天樂嘅經紀公司簽約後亦出演多部電影，而網民對佢嘅演技亦十分滿意，不過喺TVB《陀槍師姐2021》中就重登「人質王」之位。

宣萱凍齡有方，個樣同項少龍嘅其他女人相比毫不遜色。事業近年雖然表現亮眼，不過佢嘅感情生活就唔太順遂。不過，佢之間就透露自己唔強求，對宜家單身嘅狀態都幾滿意。