至抵精明眼！東京藥妝格價平掃！

去日本，港女其中一站的行程必定會狂掃藥妝！不過爆買當然要買到至抵，自稱「精明眼」的港女記者，發現東京藥妝最平入手地，唔係總有1間係左近的松本清（マツモトキヨシ），亦都唔係港人最常去的Sun Drug（サンドラッグ），而係以下這1間！

text –yuki@港女講旅行 Source – 新假期

爆買精明眼！東京藥妝邊度入手最抵？

逐間格！同一件貨最多差￥600

港女購物一向都唔係精打細算，行街買嘢爭個幾蚊就算啦！尤其旅行就很少左格價右格價，不過自從經歷跟超慳家閨蜜一齊去旅行，仲要去日本，咁就出事啦！佢去到東京藥妝店原來識變臉，即變精明眼「黃老太」，仲拖住我行足N間藥妝店，逐間格價呀！但原來一格之下，原來同一件貨品，在同一條街的藥妝店居然可以相差￥600！發現自己買到平嘢，真係好有成功感，省下來的錢用嚟扭多兩粒蛋都得啊！

對於唔鍾意格價，但又想慳返少少的姊妹們，你們有福啦！因為港女今次行到腳都跛，成功發現東京最抵藥妝店－－OS Drug！雖然門口望落唔多顯眼，但其實禾稈冚珍珠！唔信？等我行勻松本清、Sun Drug和OS Drug，再揀幾件港人必買產品逐一價格！

1) Wakamoto若元錠胃腸藥

OS Drug ￥1,389（未連稅）最抵！
松本清￥1,780（未連稅）
Sun Drug　￥1,791（未連稅）
WAKAMOTO的腸胃藥一向受港人歡迎，在OS買未連稅價只要￥1,389！WAKAMOTO的腸胃藥一向受港人歡迎，在OS買未連稅價只要￥1,389！

2) Pair暗瘡膏 24g

OS Drug ￥819（未連稅）最抵！
松本清￥1,450（未連稅）
Sun Drug　￥999（未連稅）
同一份量的PAIR暗瘡膏，在松本清要￥1,450，貴成超過￥600！同一份量的PAIR暗瘡膏，在松本清要￥1,450，貴成超過￥600！

3) Shisedo ANESSA 金色防曬乳霜

OS Drug ￥2,300（未連稅）最抵！
松本清￥2,480（未連稅）
Sun Drug　￥2,480（未連稅）

4) 樂敦Lycee粉紅眼藥水

OS Drug ￥364（未連稅）最抵！
松本清￥570（未連稅）
Sun Drug　￥368（未連稅）
女士最愛的粉紅色眼藥水，帶住大眼仔隱形眼鏡都用得。女士最愛的粉紅色眼藥水，帶住大眼仔隱形眼鏡都用得。

5) 龍角散

OS Drug ￥474（未連稅）最抵！
松本清￥665（未連稅）
Sun Drug　￥522（未連稅）
松本清的龍角散要￥655，好貴啊！松本清的龍角散要￥655，好貴啊！

6) EVE頭痛藥

OS Drug ￥907（未連稅）
松本清￥1,315（未連稅）
Sun Drug　￥880（未連稅）最抵！

7) Meiji明治膠原蛋白粉

OS Drug ￥1,600（未連稅）最抵！
松本清￥1,649（未連稅）
Sun Drug　￥1,645（未連稅）
港女最鍾意明治推出的膠原蛋白粉，味道不重易入口。港女最鍾意明治推出的膠原蛋白粉，味道不重易入口。

8) 花王蒸氣溫熱眼膜 14片裝

OS Drug ￥838（未連稅）最抵！
松本清￥925（未連稅）
Sun Drug　￥925（未連稅）
港女睡覺時不時都要用花王蒸氣眼膜，在OS Drug買亦是比較抵！

總評：先行一轉OS DRUG，再到SUN DRUG補貨！

雖然OS Drug辦理唔到退稅（大部分Sun Drug和松本清分店都可以），但現時日本要消費滿￥5,000才可以辨理退款，所以自用買家，唔需要大手入貨的，建議先到OS 睇睇！而且OS的大部分貨品都比Sun Drug和松本清便宜，相差價錢甚至比消費稅8%為多，所以OS Drug真係全城至抵！不過OS的貨款不算齊，以藥品為主（化妝品品牌較少），加上出名夠平，所以很多貨品一上架就被掃光，不時都有缺貨問題。掃完一轉OS未夠喉，再去第二抵的Sun Drug入貨！

識去一定去上野店！

雖然OS Drug的門面唔夠搶眼，規模亦都無松本清的大！不過東京分店數目亦都不少，必到旺區好似涉谷、新宿、上野和吉祥寺等都有分店。今次港女途經涉谷、新宿西口和上野的門市都有入去望望，當中涉谷的正正位於地標101對面，很容易就搵到，不過店面實在面積太小了，列出來的貨款不多，拿出 buy list問店員原來都正缺貨中。建議大家要行，就去上野店，面積較大，貨品亦都比較齊和多！加上位處阿美橫野，1分鐘的路程之內，另有 Sun drug和松本清，方便補買和格價！