adidas ClimaChill 2015 黑冰熱浪
廣告
運動熱浪持續強烈，到咗夏天又係adidas爲你降溫嘅時候，記唔記得上年同一時間，adidas搵嚟「萬人迷」碧咸所拍攝嘅ClimaChill超型廣告？服飾配以意思鮮明嘅藍黃冰涼色，望落都覺得清爽。如今一年過去，最新ClimaChill 2015系列正式登場，但就改以全黑配色示人，到底咩葫蘆賣咩藥？今期搵嚟清新唱作歌手Yukilovey親身演繹，睇吓可否參透箇中玄機。
text – Lok（ig：loklokb1021） photo – Rover
散熱升級
黑色衫吸熱，係人所共知嘅事實，但adidas就係要話你知，著住全新ClimaChill，即使係黑色衫都可以保持清爽透氣。全新系列採用咗最先進嘅散熱技術，比上代産品嘅散熱度高36%。透氣性物料同樣具有極佳熱傳導、濕氣傳導功能，運動員喺比賽或者訓練中著上會瞬間感到涼爽。
當然，ClimaChill系列最大特色就係於背部同頸部放置鋁質降溫粒子，對應身體溫度最高嘅區域，粒子同皮膚接觸時能夠迅即降溫。超纖布料呈網狀設計，可以幫助身體表面水分更快轉移，而服裝內裡縫上嘅紗線中含有鈦金屬SubZero物料，令運動服同皮膚接觸面積最大化，有助轉移更多熱量，降溫力大大提升。Yukilovey著後感就話：「其實我個人好大汗，郁少少已經出汗，但跑步時覺得ClimaChill排汗好快，件衫唔會痴肉，而且好輕好透氣，冇咁焗，非常舒服。」
