《我老婆嫁左比Mirror導致婚姻破裂關注組》再發長文：我唔係r著數！

有人出6位數買gp 群主：sorry出手太低

自「我老婆嫁左比Mirror導致婚姻破裂關注組」管理員宣布停運後，「收到msg出六位數要買個group」。不過，管理員話「出手太低喇，出5億我就賣啦」，間接表示無賣group既意思。亦藉此表明成立「我老婆嫁左比Mirror導致婚姻破裂關注組」並非為左乜，亦都「唔係透過個group攞著數」。

衝動開Group，衝動閂group

管理員承認當初建立「我老婆嫁左比Mirror導致婚姻破裂關注組」係衝動既決定。同樣地，決定閂group既係衝動又係合理既決定。管理員更強調「現階段我無打算會再開第二個group」。甚至預計到「閂group之後會有其他group應運而生」，叫大家小心，「如果有需要繼續圍爐，可以移師去前夫反擊戰」。種種跡象代表今次無彎轉，閂硬group。

至於「我老婆嫁左比Mirror導致婚姻破裂關注組」安排係Mirror演唱會後永久關閉，係管理員貼心表現。一方面想提供平台比一眾鏡粉講下mirror演唱會既野。二黎係「希望餘下個零月時間可以比大家懷緬」。同樣地，管理員亦需要時間放棄苦心經營既群組。所以，係閂group前會「繼續如常批post，但唔會再接受入group嘅申請」。

ViuTV高層出手阻止閂group

管理員表示金生（ViuTV製作部副總裁金廣誠）深夜致電佢。而佢亦直接表達自己感受，以及感激呢個舉動可引起主辦單位注意。並欣賞ViuTV願意「咁快去正視同埋主動聆聽問題」。同時，管理員強調今次事件「無意去放大事件或者分化鏡粉」，期望Mirror演唱會唔會令大家失望。

群組粉絲表示支持

消息一出，群組粉絲紛紛留言表示尊重管理員決定。甚至表示「想呢個group唔好閂多過想買到Mirror演唱會飛」，可見大家既不捨。唔知隨著群組既關閉，鏡粉會唔會受到影響呢？