荃灣爆紅豬肉佬開埋fb粉絲應援團 師奶蜂擁而至

《荃灣鮮肉ak應援團》

荃灣街市豬肉店36歲阿威近日受到一眾師奶追捧，原因帶住口罩的佢外型被指激似Anson Kong 江𤒹生AK、羅志祥小豬。師奶們從佢一頭金髮、深邃的眼睛推測出佢係一名靚仔，紛紛到豬肉店打卡！原來咁都唔夠，佢有經理人，粉絲們亦為呢位豬肉佬於fb開設「荃灣鮮肉ak應援團」，介紹仲寫住「無論你係前夫定前妻，都歡迎加入，開心share更多鮮肉照」，粉絲立即不斷曬出同鮮肉ak打卡的照片。

網民：之前連食10日老麥 而家食成千豬肉！

有網民疑似前夫就即刻出post，指自己唔反對追星，由屋企成屋攬枕、連續食麥當勞、坐十個鐘電車，到現今屋企成枱的豬肉，買過千元！怒指「老麥放十年唔會變，但豬似過兩日就會臭」更希望大家可以理智及冷靜，更問大家如何醃成臘肉。而其中一位主婦po出與鮮肉ak合照的照片指自己為咗與佢合照特意幫襯咗＄200豬肉，網友紛紛留言指佢出手最高，亦問佢買咁多食唔食得晒。

師奶們關心鮮肉ak感情狀況。

鮮肉ak無罩相流出

有網民似乎就唔多鍾意鮮肉ak仲起底出po流出多張無罩相指佢係「古惑仔」「好一般」「戴返個口罩啦」「d師奶係咪有錢無地方洗?」，不過粉絲們一一唔理，力撐鮮肉ak，引起一輪罵戰！不過無罩相就被質疑真假。