上樓｜港男為上樓考慮辭去工作難捨近3萬荀工為層樓放棄好工好老闆向網民求助回應兩極

上樓｜唔少人都希望上樓，但買私樓唔夠錢情況下，排公屋絕對係其中一個出路，最近有一位港男相當苦惱，指在排公屋過程中搵到份好工，月入接近3萬，苦等公屋4年終於上樓有望，卻擔心做入息審查時出事向網民求助，網民回應兩極令佢唔知點算好。

上樓｜港男為上樓考慮辭去工作難捨近3萬荀工

早前港男樓主以標題「公屋與工作的抉擇」發文，文中指「小弟排咗4年公屋就排到收信要審查，但超入息要辭職份工先搞得掂條數，想大家比啲意見，兩公婆搵緊50k，當中計埋ot雙糧花紅津貼扣埋mpf，現時租樓10k .350呎，如果成功上樓估計2人單位租金1300-2000，150-250呎」。

苦等4年近日收到信要求做資產及入息審查，當「上樓在望」同時，他亦陷入兩難，由於入息同資產超過上限，在煩惱應否辭去工作。「我份工私人司機平均月薪2萬9，9成時間都X Hea Hea 自由活動，舒服好工好老細，如果我辭職都好難搵得返宜家呢個人工同舒適程度，比你地會點抉擇，學歷毅進仔。」

港男樓主直言兩夫妻學歷並不高，但由於有機會生小朋友，如果有機會上樓會希望購入更大單位，但由於認定入息超額，他亦為未來做定打算：「今轉審查一定過唔到，入息同資產都爆咗，但有機制入息/資產有所調整而再次符合申請資格可6個月後2年內上重審。」

他希望辭職「做靚條數」上樓獲取公屋資格，但呢份近3萬荀工「輕鬆無壓力」加上遇到一位好老闆，認為自己辭職後以自己學歷，難以找到同樣待遇工作機會，加上兩夫妻收入並不穩定難以承受供私樓帶來的壓力。

當港男樓上於討論區向網民求助，得到的意見亦相當極端，有人認為「難得找到收入不俗的好工，不應輕易放棄機會。」「不如儲多幾年錢買個細單位好過。」亦有網民認為「得綠表得天下」、「拎到公屋資格入場券之後抽居屋都方便好多。」更認為樓主收入未算穩定，先取公屋比留住工作更「化算」，大家又點睇？

關鍵詞

撰文：Odin圖片來源：pixabay、幻愛劇照