假名媛｜大學生扮名媛呃飲呃食自稱行為藝術 21日過程 穿A貨扮貴婦 18蚊鑽戒換5星食宿 居然無人發現

假名媛｜大學生扮名媛呃飲呃食自稱行為藝術

唔少人努力工作都係想搵多啲錢過富貴生活，不過原來要過富貴生活，都未必一定要有錢！早前中國「中央美術學院」有位女大學生鄒雅琦，就以「假扮名媛」作為自己的畢業作品：我係要表達出另類行為藝術，測試自己能否成功假扮名媛並不花錢白吃白喝。結果鄒雅琦亦真係成功喺21日內以一身貴婦級名牌打扮，成功白吃白喝，更將過程分為3段片段放出。

鄒雅琦先以18元人民幣買下一枚假鑽戒，再配上假珍珠頸鏈、冒牌Vivienne Westwood頸鏈，及一個仿真度極高Hermès手袋。加上大紅唇濃妝、太陽眼鏡，以及擺出高冷態度成功打扮成一位「名媛」。

假名媛｜21日過程 穿A貨扮貴婦 18蚊鑽戒換5星食宿 居然無人發現

之後花費190元人民幣買機票，再印一張假冒「頭等艙休息室」嘅牌，令機場員工誤以為鄒雅琦係「頭等艙」貴客，令佢可以自由進出機場休息室。而鄒雅琦除咗喺貴賓室大肆享用自助餐，更將部份食物帶走作後備糧食之用。

除咗扮成「頭等艙」貴客，鄒雅琦正喺機場Gucci鋪頭跟職員稱自己嗰袋爛咗，但又要趕飛機，結果職員就提供一個印有Gucci字樣嘅大紙袋俾佢裝嘢。而之後4日鄒雅琦就憑「頭等艙」貴客及Gucci紙袋遊走機場，等人以為佢係消費力極高名媛而過日子。

之後鄒雅琦再到「海底撈」，向店員聲稱自己喺到等朋友到，結果店員就向佢提供小食讓佢慢慢等。之後鄒雅琦更不小心訓著，海底撈店員亦超熱情請對方入店內訓覺休息，更送上甜品、湯圓、水果。

鄒雅琦再以一身冒牌打扮走入一個珠寶拍賣會，更向職員透露自己對珠寶相當有興趣。之後職員就主動拿了多款價值千萬人民幣嘅珠寶俾鄒雅琦試戴。最讓人驚訝嘅係，職員並無察覺到鄒雅琦當時只係戴上價值18元人民幣嘅假鑽戒。而之後鄒雅琦更喺珠寶拍賣會成功白吃高級點心及香檳，職員還貼心稱：你食完我哋會叫後廚再送嚟過嚟，成功又食又打卡。

及後鄒雅琦去到一間五星級酒店，更以假名及假房號成功去桑拿房沖涼，雖然最後身份被職員拆穿，不過鄒雅琦就向職員表示自己想喺約會前去洗臉補妝。而職員亦禮奇地批准佢留下，睇嚟一身「名牌」真係有用，之後更成功喺酒店食埋自助早餐，仲用A貨Hermès手袋偷走食物。

而鄒雅琦喺21日內，就以以上方式成功周圍呃飲呃食，仲去埋酒吧Lady’s Night同商鋪嘅免費試食！鄒雅琦將片段上傳上網後，隨即引起廣大網民回應，唔少人都覺得行為低劣可恥，更係以「藝術行為」呃飲呃食。不過亦有人認為鄒雅琦嘅實驗相當成功，對佢嘅行為表示讚同，而之後鄒雅琦亦特意再發文為自己辯解，大家又點睇呢？