大叔的愛|練美娟因黃德斌一句說話 乖乖做聲帶手術尋回靚聲
文:東方新地|圖:練美娟IG及ViuTV劇照|編輯:八卦妹(原文刊於:東方新地)
黃德斌令娟姐「叮」一聲
娟姐練美娟原來因為入行做主持後,長期說話令其聲帶生了息肉,搞到有把豆沙喉,早前她做完手術休養了1個月,終於回復靚聲。日前娟姐在訪問中透露,全靠黃德斌一句說話,她才會的起心肝去做手術。她說:「係德斌推薦我,好記得有次佢好nice同大家一齊食飯,佢問我把聲係咪一直都係咁,我答佢以前唔係,係佢勸我整咗去,德斌話整咗會有更多可能性,嗰時我真係『叮』一聲,一位資深前輩同我講呢番說話,我真係唔知點解去咗做,好多謝佢提點,令我往後嘅主持同演員路更加闊!」
學識保護聲帶
經過今次,娟姐才明白搵啱方法去養聲其實好重要,她表示休養期間學識了一些保護聲帶的小貼士,第一要多飲水,因為時刻飲水可以令喉嚨長期保持滋潤,咁就唔怕會聲沙。第二是搵出自己的聲音領域,每個人聲線不同,要靠自己搵出最舒服的方法去說話,雖然大聲講嘢唔代表冇禮貌,不過原來好易整傷聲帶。
![大叔的愛](https://imgs.orientalsunday.hk/wp-content/uploads/2021/07/linkuen13_211483640_343241294077257_2189379122522397638_n_16878152960ed67d7b8da4-819x1024.jpg)
練美娟為拍《大叔的愛》增磅4KG
今年31歲的娟姐(練美娟)27歲才正式入行,在入行後曾主持過不少ViuTV節目,包括《金剛旅神團》、《有酒今晚吹》及《造美人》等,以「大癲大肺」的個性加上火爆的身材,為觀眾所熟悉。
![大叔的愛](https://imgs.orientalsunday.hk/wp-content/uploads/2021/07/02_12944886060e5530ba04b7.jpg)
近日娟姐在ViuTV《大叔的愛》中飾演辦公室行政助理Carmen,是KK下屬、阿田和阿牧的同事,在劇中她除了不停喪食外,又有一幕以蒙古姑娘造型參加《全民造星V》選拔的劇情,並和楊偉倫飾演的平哥有感情線,獲網民大讚演技自然又可愛,好有喜感,指她有潛質做吳君如接班人!
![大叔的愛](https://imgs.orientalsunday.hk/wp-content/uploads/2021/07/05_11913105460e553115516d.jpg)
娟姐透露她在劇中所有喪食場面都係「堅食」,仲因此增磅了3、4KG!她笑指自己不懂得如何「扮食嘢」,所以唯有真咬和真吞。她又解釋自己之前打過Office工,大概知道辦公室八婆係點樣,因此才能演繹得比較傳神。
![大叔的愛](https://imgs.orientalsunday.hk/wp-content/uploads/2021/07/06_72738165860e55312d0540.jpg)
娟姐半年零收入慳錢住劏房
娟姐本來做開穩定的Office工作,為圓演藝夢而入行,為了追夢她曾試過半年零收入,面對租金及養狗等重大開支,只能靠積蓄及家人支持來度過,但娟姐並未氣餒,她直言每行都會有高有低,因此她選擇搬入劏房來縮減開支,只為等一個機會。
![大叔的愛](https://imgs.orientalsunday.hk/wp-content/uploads/2021/07/03_214502646660e5530dad7f2.jpg)
被封「翻版吳君如」
練美娟父母都是印尼華僑,幼時她隨父母回流香港,曾修讀浸會大學傳理系,讀書時期已參與過Now TV節目《18/22》,畢業後她做過電影、娛樂、廣告等公司,2017年開始正式為ViuTV擔任節目主持。因在節目中「大癲大肺」的形象,令網民封娟姐為翻版吳君如,但她卻自言從未想過行搞笑路線。
![練美娟父母都是印尼華僑,幼時隨父母回流香港。](https://imgs.orientalsunday.hk/wp-content/uploads/2020/05/k1_1171a_funn_p56_57_1563720945ebbcd201acf2-819x1024.jpg)
不覺得27歲入行太遲
大學修讀傳理系,入行前做過電影、娛樂、廣告公司,練美娟或者天生應該吃這行飯,因為工作也認識不少圈中人,ViuTV更一早向她招過手,可惜當時因種種原因未能合作,直到《Girl’s talk》的監製聯絡她,便決定在27歲那年入行,比起同台很多小花年長,終於在30歲之齡以個性跑出,並自信道:女人30歲後散發的光芒更勝從前。
![練美娟一點也不介意公開踏入三十大關,笑言現在才是自己最美好的一刻,相信女人在三十歲以後能散發出更美好的光芒。](https://imgs.orientalsunday.hk/wp-content/uploads/2020/05/l1_1171a_funn_p56_57_1685427545ebbcd26ef4de-819x1024.jpg)
延伸閱讀:
娟姐親解小三傳聞認與肥仔同年同月出世啱嘴形
早前肥仔前女友「阿芬」在facebook留言:「對不起﹗我已和梁業分開了…因了解而分開,其實也算是感情路上最好的結果,我倆彼此也會在心裡互相好好祝福。」肥仔與初戀女友分手一直未有回應,今日有傳媒聯絡到肥仔,他以私人事為由唔回應。
![肥仔同娟姐曾合作《娛樂OnAir》。](https://imgs.orientalsunday.hk/wp-content/uploads/2021/05/k2_1196a_funn_p54_55_5012998575fa21359bf650_79178425660af5a581bb10.jpeg)
對被指成為小三嫌疑,娟姐回覆時表示是七師傅在節目中爆肥仔對佢有意,自己唔知道是否屬實,31歲娟姐與肥仔同年同月出世,娟姐直認不諱同肥仔啱傾,因為肥仔人見人愛,人人都會鍾意佢,不過又指肥仔對每個人都好好,笑言依家肥仔單身,娟姐會feel吓肥仔係咪對佢有意思。
![娟姐同肥仔同年同月出世,今年31歲。(圖片來源:娟姐IG)](https://imgs.orientalsunday.hk/wp-content/uploads/2021/05/linkuen13_188985368_964430820997684_6714652863946619783_n_82602783260af5db05fd85-1024x769.jpg)
七師傅話要撮合娟姐同肥仔 一早洩露玄機
事後有網民回憶之前七仙羽七師傅上ViuTV的節目醉酒後想幫肥仔搵女朋友,才驚覺分開原來早已有先兆。七師傅早前在《晚吹─今晚有酒吹》被娟姐爆料:「七師傅上次話要介紹位李先生畀我識,到依家都未有,仲未找數!」在旁的七師傅被娟姐質問,表現淡定話已經搵到適合對象介紹給娟姐,娟姐反問:「吓!你搵咗喇!你自己搵到,但唔話我知,哈哈哈!」
![七師傅讚娟姐係單純潘金蓮 找數撮合同ERROER成員](https://imgs.orientalsunday.hk/wp-content/uploads/2021/05/4add7074-3373-4b19-8308-2fbdfef07906_8077652536090c94d012f3-1024x734.jpeg)
七師傅繼續氣定神閒話:「我搵到喇,吖!嗰個咩,嗰個ERROR個肥仔,一個武大郎,一個係潘金聯(蓮)(指住娟姐)一個單純嘅潘金蓮、一個專一嘅潘金蓮!」全場爆笑指未聽過潘金蓮可以用「單純」來形容。
![七師傅讚娟姐係單純潘金蓮 找數撮合同ERROER成員](https://imgs.orientalsunday.hk/wp-content/uploads/2021/05/sevencf3_244657076090c979dbf03-1024x545.jpg)
七師傅揚言:肥仔hold(吼)住娟姐好耐﹗
強尼笑住話:「娟姐肯做潘金蓮,但係肥仔未必肯做武大郎!」七師傅立即解答:「問咗肥仔意願喇,喺化妝間﹗肥仔佢一早Hold(吼)住咗好耐,不過呢排佢好忙,日日都唱歌,忙住唱〈呢啲(lady)Killer〉,所以冇時間去識女仔!」七師傅定睛望住娟姐胸部話:「肥仔留意咗你好耐,見到你覺得你幾好,肥仔都有意思,因為肥仔嘅搵錢能力高!」大家笑到收唔到科。由此可見七師傅極有可能早已知肥仔分手一事。
![七師傅讚娟姐係單純潘金蓮 找數撮合同ERROER成員](https://imgs.orientalsunday.hk/wp-content/uploads/2021/05/sevencf8_6283739046090c97cb21d4-1024x602.jpg)