【中女唔易做】6位中女藝人走出娛樂圈再「培訓」!挑戰不同行業逆境自強!
廣告
ViuTV新節目《中女唔易做》 今晚開播!找來小儀、趙學而、楊思琦、杜如風、康子妮及朱薰6位中女級別的女藝人,放下身段投入各行各業,體驗中女在職場上遇到的困難,重新定義中女精神。不過就有其中一位女藝人大家都唔多歡迎佢……
撰文:東方新地| 圖片:《中女唔易做》主題曲MV截圖、楊思琦IG圖片、小儀IG圖片、康子妮IG圖片、杜如風IG圖片|編輯:20|原文刊於:東方新地
1.小儀做農夫
小儀在《中女唔易做》節目中當了兩天農夫,她不怕小昆蟲,最怕蛇、青蛙和壁虎,她說拍攝時曾在如廁時被壁虎嚇到大叫。
2.趙學而學做推銷
在《中女唔易做》中,趙學而被安排在大型連鎖電器舖工作,平時轉數快兼牙尖嘴利的她,竟然畀份工難倒,因為佢好冇記性,經常記唔到產品性能,遇上有顧客查問即場口啞啞。
3.康子妮做譚仔姐姐
康子妮在《中女唔易做》中化身譚仔姐姐,要落單、做水吧和洗碗一腳踢,她說:「要用麵店姐姐的口音為客人落單,在現場即學,笑料百出。我很喜歡洗碗,由細到大,家中洗碗的責任都落在我身上,還記得兒子讀幼稚園時,經過花園街見到招聘洗碗,做3天半有萬八元,當時曾有衝動想去應徵。」
4.杜如風體力勞動送外賣
平時做旅遊節目就多,杜如風應該從來冇諗過自己要做送外賣,在《中女唔易做》中,杜如風化身外賣速遞員,要幫手執貨及送外賣,要杜如風體力勞動周街跑,仲要分秒必爭,搞到佢虛脫咁滯,有時間都會偷懶hea做。
5.朱薰百貨推銷之后
在《中女唔易做》中,朱薰被分派的工作就開正佢嗰瓣,在百貨公司內做售貨員,無論是家庭小電器或床褥,憑她的口材完全零難度,再加上朱薰的親民性格,說服力十足。
6.楊思琦打散工食檸檬
楊思琦在《中女唔易做》中,被安排在不同的服務行業打散工,要企街派傳單又派免費試用,不少途人見到楊思琦都爭相走避,食盡檸檬。