男士瀏海髮型推介2024丨韓式學長頭/短瀏海/逗號頭！額高髮線高啱晒
廣告
男士瀏海髮型推介2023丨瀏海絕對係男生必剪髮型之一，除咗近年韓風盛行，瀏海髮型更係不少男士嘅救星！例如額高、髮線高、M額嘅朋友，瀏海能有效遮掩以上缺點。之不過，瀏海髮型其實亦有分唔同種類，今次就為大家推介一下3款2023年必旁瀏海髮型。適逢夏天，大家係時候換一換髮型。
撰文：Easy｜圖片：Instagram
男士瀏海髮型推介2023
男士瀏海髮型推介2023丨1.「學長頭」
側分髮型另稱為「學長頭」，隨著近年韓風盛行，「學長頭」十分爆紅，而且又好整理，相當適合一眾懶人。「學長頭」只需將上方兩側頭髮稍稍留長，然後透過髮品弄出層次感，簡單又有型格，適合一眾額高男士。
男士瀏海髮型推介2023丨2.短瀏海
短瀏海係唔少髮線高嘅朋友不二之選，只需環繞耳邊剪出弧形，瀏海可以側分也可以中分，再透過髮品整出蓬鬆感覺，玩法變化多端又易gel，清爽感覺相當適合夏天。
男士瀏海髮型推介2023丨3. 逗號頭 C字側分
韓國近年相當流行嘅髮型，因為有型得嚟又可以遮掩髮線高問題，頭頂頭髮要有一定弧度同內捲，呈現一個C字型，令髮型具凌亂感得來充個性。
