網民狂批「薩莉亞」越做越差！大J親身試伏細數3宗罪
廣告
日本連鎖餐廳「薩莉亞」，喺2008年8月過江嚟到香港開第一間分店，小編好記得想當年第一次食薩莉亞，真係平靚正！不過隨住時間過去，越做越差，而家過江龍都變成劣食。有唔少網民都認為衛生情況非常惡劣，於是最近知名YouTuber 大J就親身去拍片試伏！
撰文：馬高斯 ｜圖片來源： YouTube@JASON｜編輯：海月
網民狂批「薩莉亞」越做越差
較早前有網民喺唔同分店嘅薩莉亞目擊到小強，開始引起熱烈討論薩莉亞的衛生問題！於是YouTuber 大J就親身試伏，大J喺片中提到自己日本留學期間食過薩莉亞，至於香港就從未幫襯過。
大J同日本籍老婆都表示，想當年學生時代真係超鍾意薩莉亞，仲成日幫襯，今次係第一次孖住老婆去初嚐香港薩莉亞嘅味道！咁佢亦都有留意網民嘅討論，揀咗去挑戰荃灣灣景廣場分店！佢哋兩個總共叫咗沙律、忌廉湯同埋鐵板燒雞扒，大J老婆就認為始終價錢平，所以味道尚可以接受。不過大J就相反畀咗劣評，認為唔太抵食，仲催毀咗喺日本留學時嘅美好回憶。我哋一齊細數吓，大J認為嘅香港薩莉亞3宗罪！
薩莉亞第1宗罪：撳咗鐘好耐都無人嚟落單
首先第一宗罪就係無人落單，大J撳咗鐘後足足等咗10分鐘都無侍應嚟落單，於是再撳多次都係唔見侍應嘅蹤影，佢唯有大聲叫「唔該落單」，先有人出現！
薩莉亞第2宗罪：水杯有油
薩莉亞係設有自助水吧，咁大J走去水吧裝水，跟住竟然發現水嘅表面有一層油！佢亦都表示已經用熱水沖過幾次，但係水杯依然有油。咁大J飲完忌廉湯，飲啖水𠺘吓嗰口，feel到水喉水陣味，飲到佢五官都扭埋一嚿咁。
第3宗罪：嘢食貨不對辦 忌廉湯味道太淡
大J叫咗一份鐵板燒雞辣腸雞球，點知上菜後睇見實物，望落就同餐牌上嘅圖實在相差得太遠！另外，佢亦指出忌廉湯味道好淡，不過呢個價錢都係預料中事。
大J原片睇更多：
同場加映：
「意大利Pizza」係近年好多人都提起嘅「大勢食物」，剩係加唔加得菠蘿喺Pizza到經已好多人熱話。而近年亦有唔少「正統嘅意大利Pizza」店鋪應運而生，不過市面上意大利Pizza鋪嘅質素都有明顯差別，到底邊到有好食嘅意大利Pizza，而點先可以稱為意大利Pizza？即刻睇睇！
想食正宗意大利Pizza中環有路數！Amalfitana新鋪登場！
