【Chrome】外國研究所選瀏覽器會影響業績！ 瀏覽器選擇透露職場優勢
廣告
【Chrome】瀏覽器選擇會影響職場優勢？相信大家都未必聯想得到，但外國就有研究將呢樣嘢數據化，重直指出使用某啲瀏覽器嘅員工更加勤力，連請假缺席嘅機率都有數得睇，到底Firefox、Chrome、IE同Safari邊樣最好邊樣最差？睇下呢個研究就一目了然。
撰文：odin | 圖片來源：瀏覽器官方截圖
【Chrome】外媒爆料所選瀏覽器會影響業績
瀏覽器選擇真係會影響職場優勢？外國有研究將呢樣嘢數據化，早前外媒爆料，指有間公司喺應徵者填寫表格時，收集佢哋所使用嘅瀏覽器種類，有啲人係用Safari、Firefox、IE或者Chrome，有媒體問及瀏覽器選擇能否預測到員工嘅工作表現，但呢方面嘅可能性似乎微乎其微，不過比較起其他部份，就有數據可以計算，例如使用Firefox或Chrome嚟填表嘅員工，留喺呢份工嘅時間長度，比起用Safari或者IE嘅人高出咗百分之15，至於缺勤次數方面，佢哋同樣發現員工使用唔同瀏覽器都會有明顯落差，例如使用Firefox或Chrome嘅員工，比起用IE或Safari嘅員工缺勤次數少咗百分之19，但藉住呢啲數據係咪就代表使用Firefox或Chrome嘅員工就較好？
【Chrome】瀏覽器選擇透露職場優勢
數據顯示得出，使用Firefox或Chrome嘅員工表現上會較好，但根據外國研究指出，軟體本身並唔會造成工作表現上嘅差異，唔同嘅選擇所影響到嘅只係員工嘅心理差異，只係將認為世界係可以改變嘅員工，他們會去思考一件事情係咪可以用更好嘅方法去做，再付諸行動，另一種員工則傾向去接受世界原本嘅樣貌，他們性格本來就會保持原狀，唔會作出較大嘅挑戰，從而得出選擇唔同嘅瀏覽器，所以選擇任何瀏覽器未必直接影響到工作，但性格上會影響較多，而選擇瀏覽器方面某程度上將呢件事實體化起嚟，再引伸喺瀏覽器上面。
