方力申新歌唱好大灣區！「後生仔」身份呼籲去大灣區發展 網民：40歲嘅後生仔我真係未見過！

撰文：全心愛國真漢子｜圖片：陳少騏Facebook、方力申 Facebook截圖｜編輯：海月

方力申新歌唱好大灣區

政府怕香港人執輸，所以經常講大灣區有幾好，等香港人唔好走寶。日前，「粵港澳大灣區發展辦公室」聘著名製作人陳少琪操刀大灣區紀錄片《港灣起跑線》。而喺紀錄片《港灣起跑線》入面，就紀錄咗10個名港人係大灣區拼搏嘅故事，希望鼓勵香港年輕人到大灣區建設祖國，為中華民族偉大復興而努力。

40歲方力申擔當重任 代表年輕人唱出主題曲

政府要吸引年輕人，當然要搵翻佢哋眼中嘅年輕人代表唱主題曲啦。年僅40歲而且形象健康又活力滿滿嘅方力申對於這個偉大重任當然義不容辭，拍檔陳少騏唱好大灣區！

上月26號主題曲《起跑線》MV已經上架，MV積極向上、角色形象陽光。唯可惜片中嘅方力申僅僅係中環跑步，佢未有到大灣區取景，實在可惜。方力唔會叫後生仔去大灣區，佢自己就唔去掛？

不過最讓人費解嘅係，方力申推出呢首新歌居然冇大肆宣傳，佢於社交平台亦沒有出post稱自己首新歌。

網民對於方力申唱大灣區宣傳曲又唔宣傳感到失望

唔少網民見有咁好聽嘅大灣區主題曲，自然都想提早聽到，大呻：

點解因為方力申冇宣傳，搞到全港市民都咁遲先知有大灣區主題曲

網民對方力申沒有宣傳此歌感到失望，認為他既然要唱好大灣區，理應落力宣傳：

他應該身體力行到大灣區發展！

亦有「無知」網民認為40歲嘅方仔唔係後生仔，仲笑言「政府眼中後生仔竟然係41歲」。政府點會有錯！？早前，羅致光已經話60歲之前都係青年，年僅40歲嘅方力申當然係後生仔啦。

最緊要就係Seed！《港灣起跑線》主題曲《起跑線》

https://youtu.be/8JkLA-OaNPM