【勁歌金曲2020】佳演繹男歌星：周柏豪得獎感言！網民：係咪話中有話？

《勁歌金曲頒獎典禮2020》作為應屆樂壇壓軸頒獎禮，唔少歌手都隆重其事悉心打扮出席，雖話一眾女歌手唔會放過爭奇鬥艷機會，就連「比比鳥」周柏豪都「型」埋一份。不過最特別嘅，又係周柏豪嘅得獎感言，每次都會聽到人莫名奇妙，甚至有網民懷疑佢「話中有話」。到底今次周柏豪又講咗啲乜？即刻睇睇！

撰文：海月｜圖片、影片來源：《勁歌金曲頒獎典禮2020》截圖

今次《勁歌金曲頒獎典禮2020》周柏豪雖然坐足9成時間，不過依然搶fo！因為今日佢打扮竟然係一身灰毛打扮，樽領冷衫外加冷外套，著到成隻大灰熊、《芝麻街》大鳥咁嘅周柏豪，唔知以為TVB無綫電視城落雪！

而奪得《勁歌金曲頒獎典禮2020》最佳演繹男歌星時，周柏豪在台上表示：

呢段感言令唔少網民都表示：次次都係咁，今次仲要《劫後餘生》最佳演繹男歌星，其實佢係咪話中有話？

同場加映

《勁歌金曲頒獎典禮2020》今晚（1月17日）終於舉行！雖然受到新冠肺炎疫情影響，今年不少活動都直接取消，不過作為香港樂壇盛事年度成績表，《勁歌金曲頒獎典禮2020》仍以無觀眾形式舉行。到底最佳男歌星、最佳女歌星、金曲金獎嘅殊榮，又係邊個？即刻同你見證樂壇王者誕生！

【勁歌金曲頒獎典禮2020】得獎名單！周柏豪「陪坐」到最後大爆發莫文蔚《呼吸有害》勇奪金曲金獎！網民：聽得最多「多謝TVB、多謝星夢娛樂」

關鍵詞