《英雄聯盟：激鬥峽谷》英雄新角技能搶先睇 LOLM提摩位移超OP！
「約德爾征途」活動已經展開！
超OP新英雄
唔少網友已經搶先體驗過《英雄聯盟：激鬥峽谷》兩隻新英雄「露璐」同「凱能」都話超OP，特別係手速快嘅可以用露璐一直走A，本身擁有加速及變身等自保能力嘅佢，配合呢個玩法真係相當屈機。故此唔少網友都好期待嚟緊幾隻角色有咩變化，特別係知道「提摩」擁有位移新技能之後更滿心期待佢嘅走A能力，認為佢係一線上路線霸咁話，至於《英雄聯盟：激鬥峽谷》另外兩位「崔絲塔娜」同「庫奇」就無乜大變化，但係就為中下路帶來更多選擇，畢竟兩位都擁有位移自保能力，操作起嚟容錯率都比較大。
「卡特蓮娜」「拉姆斯」大絕迎來大改動
至於預測今年推出喺《英雄聯盟：激鬥峽谷》嘅「卡特蓮娜」同埋「拉姆斯」兩招大絕都有大幅增強，「卡特蓮娜」最為人擔心嘅就係佢施放大絕時會被擊飛中斷，而且施放之後就唔可以郁降低唔少用途，但手遊版就唔使再擔心呢個問題，因為喺《英雄聯盟：激鬥峽谷》入面，佢施放大絕時終於可以郁啦！至於「拉姆斯」喺《英雄聯盟：激鬥峽谷》入面出新大絕「激升猛擊」時，重可以向目標嚟個大跳躍，落地時放出震動波，至於範圍大細因應跑速而定，但至少唔使下下尾隨齋衝咁辛苦！而蒙多醫生最後都有出過下場，睇嚟佢喺《英雄聯盟：激鬥峽谷》有咩改動亦深受玩家注意。
隨機單中及新春活動即將展開
隨機單中模式喺電腦版《英雄聯盟》入面深受休閒玩家喜愛，但《英雄聯盟：激鬥峽谷》推出至今一直都未有相關更新資料，令唔少網民大嗌：「還我ARAM」，至於呢方面嘅訴求官方已經收到啦！嚟緊喺《英雄聯盟：激鬥峽谷》入面將會推出手機版隨機單中(ARAM)模式，各位單中菁英玩家又係時候入坑啦！至於正式積分賽季即將展開之餘，道具及有關裝備調整都係官方接下來嘅任務，官方重話嚟緊2月《英雄聯盟：激鬥峽谷》重會舉辦「新春喜獸活動」咁話。
有沒有switch遊戲推薦？
作為現時最具人氣的遊戲主機之一的Switch，遊戲種類非常多，必玩最新14款Switch遊戲推薦2022。想一邊打機一邊做運動減肥？這8款Switch健身遊戲絕對令你玩到爆汗，有日本媽媽玩Ring Fit 9個月激減44磅！想慳錢又想玩game，即睇20隻Switch 免費遊戲推薦，總有一款適合大家！
有手遊或者線上遊戲推薦嗎？
以前Online Game都還沒普及，線上小遊戲確為不少90後提供了很多娛樂，當中12個線上經典小遊戲你一定有玩過。《金庸群俠傳》絕對是DOS經典遊戲之一，「在線DOS遊戲」的網站裡面有合共1898款DOS遊戲，無需安裝任何程式！手遊方面，這三款手遊推薦必不可錯過！
