林作瞞母美國登記娶裕美證愛 全因蘇師傅一句話?!
文:東方新地|圖:裕美IG、林作IG、新傳媒圖庫|編輯:八卦妹(原文刊於:東方新地)
林作:我哋係有登記
今年9月林作與林母上蘇民峰師傅的玄學節目《搵陣》時,獲蘇師傅贈言指這一、兩年是林作結婚最佳時機,當時師傅話:「最遲2022年頭,唔係就要十年後過40歲。」不過林母王莉妮一向不滿裕美,經常公開批評對方,有指今次林作秘娶裕美,連林母都被蒙在鼓裡,兩人結婚派對只有裕美母親出席。
![林作今日在社交網上載了自己一張穿西裝打煲呔的單人照,並留言:「I am ready for tonight.」。](https://imgs.orientalsunday.hk/wp-content/uploads/2020/12/01_9010769385fed8788b5bc7-1024x1024.jpg)
被問到與裕美結婚一事,林作否認指兩人穿著婚紗和禮服只是為開Dress Up Party,但承認曾和裕美在美國登記結婚,他表示:「呢個只係表達愛意嘅行為,如果你哋check一下,會發現美國唔同洲都有我個名,總之我依家呢一刻喺法律上係冇結婚,亦未有打算計劃結婚。」
![蘇民峰師傅曾贈言林作最遲要2022年頭結婚。](https://imgs.orientalsunday.hk/wp-content/uploads/2020/12/-2020-12-31-4.13.24_318849905fed8852f1ae1.png)
裕美:心急會弄巧反拙
而裕美與林作同一口徑,表示著婚紗只是為開派對,她笑言:「結婚我冇乜所謂,又唔係未結過婚,哈哈!雖然我由細到大都好想有個完整家庭,但有時太心急會弄巧反拙,順其自然啦!」
![林作承認曾和裕美在美國登記結婚。](https://imgs.orientalsunday.hk/wp-content/uploads/2020/12/wadahiromi_123300250_3552547278138507_4270983999701903363_n_21282778335fc8af7f1fa06.jpg)
被林作家人稱係「雞」
裕美自從同林作拍拖後,被林媽媽王莉妮多次公開批評出身卑微,更被拒絕嫁入林家門,二人關係勢成水火。日前裕美接受傳媒訪問,表示早已習慣面對各種的負面報道,可以一笑置之。但當中指她跟林作拍拖一心是想釣金龜,她就反駁指過去的男朋友沒有一個是有錢的,而裕美表示最傷害她的正是林作的屋企人,指林作全家人都對她有意見,更在家人的group chat內稱她係「雞」,令她覺得非常侮辱!
![裕美同林作媽媽王莉妮關係勢成水火。](https://imgs.orientalsunday.hk/wp-content/uploads/2020/12/wadahiromi_121777630_3541592785928151_6224650938412421574_n_9335296725fc8af7d56cfa.jpg)
公開挑機想同林母鬧場大交
裕美在訪問中表示試過同林媽媽差點爆發正面衝突,起因是林母send短訊給她,內容是「那麼多男人不去黐,要黐他?」令她非常氣憤,於是去找林母當面對質,但當時林母卻不斷逃避又回避她眼神,然後直頭話返房瞓覺,雖然雙方未有爆發衝突,但裕美反而想狠狠咁同林媽媽當而鬧場大交,將大家所有不滿全部發泄出來!
![被林作家人稱是「雞」裕美爆喊大反擊](https://imgs.orientalsunday.hk/wp-content/uploads/2020/12/lam20201114_0002_1024_8216150835fb23d4a8b452-819x1024_9614209245fc8ada838c48-819x1024.jpg)
林作撻著會考零分裕美斷正
其實18年裕美與老外男友Alex分手前,林作初次在飯局見面即主動出 擊、爛 gag 求關注又深夜短訊求交心,萬試萬靈老土舊招又得米。二人聲稱未發展前,已被本刊全程撞破相約在跑馬地撐完枱腳再結伴前往灣仔會友。
![第一次飯局見面後已出招追求失婚裕美。至裕美正式宣布回復單身,二人世界撐枱腳被本刊撞破。](https://imgs.orientalsunday.hk/wp-content/uploads/2018/12/nhv4dxh3MJN7gxp/dvsf_14004673635c1b8d14ed268-1024x798.jpg)
林作和裕美撐完枱腳去到停車場泊好車,二人終於發現鏡頭,猶豫於上樓定原車走人之間遲遲未能做決定。記者上前單刀直入問二人是否拍拖,林作全程哈哈大 笑,交畀裕美回答問題:「 乜你覺得我哋似拍拖咩?( 重複三次 )你唔係真係覺得我哋 兩個襯呀嘛!都話唔係拍拖囉!不如你哋問吓佢有幾多女先啦!」
![行蹤曝光,林作同裕美又改變主意,落車上樓繼續原定計劃,推門入電梯大堂時,林作幫手開門又開路,相當殷勤。](https://imgs.orientalsunday.hk/wp-content/uploads/2018/12/nhv4dxh3MJN7gxp/dwegveg_7252486115c1b8d7eafc03-1024x730.jpg)
二人拖拖拉拉十分 鐘才一鼓作氣落車上寫字樓,表示食完飯傾公事再由林作順路車裕美往灣仔見朋 友,睇佢哋尷尷尬尬又難掩喜悅表情,唔認拍拖都冇人信啦!
![面對記者提問,林作全權交畀裕美應對,自己則哈哈大笑,而對於新戀情,裕美再三反問:「你覺得我哋似拍拖咩?」](https://imgs.orientalsunday.hk/wp-content/uploads/2018/12/nhv4dxh3MJN7gxp/fbgqwdr_5417106175c1b8daaee874-1024x676.jpg)
https://www.instagram.com/p/BpdL71PFOMN/
16年裕美被揭背夫搭上黃子恆,其後單方面宣布與林恩浩離婚同時被黃子恆斬纜;黃子恆在劇集《是咁的,法官閣下》與麥明詩一 段情備受注目,卻同時傳出搞大內地女 fans肚,加埋林作,四人關係千絲萬縷!
裕美驚爆背男友搭上林作
有人透露裕美同麥明詩前男友林作喺舊年拍攝時認識,林作見到裕美即刻起晒痰仲主動撩傾偈。裕美亦主動交換電話同IG兼主動msg林作,顯得好合拍。有指二人曖昧一年,裕美曾請林作做直播嘉賓時撻著,林作仲話要同裕美表白,嚇到裕美好驚畀男友見到。
林作喺直播時對著鏡頭講:「我今晚上嚟係想教大家一堂課,叫橫刀奪愛!」仲話阿媽教佢遇到鍾意嘅嘢就去搶,嘩講得咁明顯,係咪姐係想喺人手上搶裕美返嚟呢?點知林作竟然直接叫裕美同男朋友分手添!
林作仲喺社交網站發出一張同裕美嘅合照,嘟起個嘴仔,寫道:「我喜歡妳 #放心沒有人信」。裕美就唔知係甜笑定係尷尬笑喇……
偷食藝人黃子恆搞婚外情 裕美:「搞緊離婚。」
有報道指裕美與吳若希過氣緋聞男友黃子恆關係匪淺,兩人齊到街市買餸,期間男方更主動攬實女方腰!親蜜關係不言而喻。兩人買完餸後就返到男方位於西貢的村屋,兩人夾手夾腳準備晚飯,猶如新婚夫妻般甜蜜,最後裕美更留低過夜!
據知裕美以往不時在網上分享與老公的合照,但近日已鮮有咁樣做,似係感情轉淡的跡象!
對此裕美就表示當日係假期,所以一大班人開大食會,同行亦有其他幕後人員。一行人大約在八、九點離開,佢並沒有留低過夜。佢又話自己正拍攝劇集《心理追兇》,雖然同劇沒有黃子恆,不過自己好多嘢唔識,要向對方請教。最後佢話唔會理其他人點講,正如有人話佢整容一樣,佢唔會去理。
之後被問到老公會否介意,裕美就驚爆已經搞緊離婚!佢話自己已單身半年以上,現在辦離婚手續,不過就唔回答是否出現第三者,只係話兩人性格出現問題,曾經試過挽救呢段婚姻,但最終都係解決不了。裕美話剛剛簽咗新經理人,會拍劇重新出發。