張敬軒疫情之下再加場 演唱會最平$38有得睇？！
撰文：八卦妹｜相片來源：大會提供
張敬軒演唱會大爆阿媽多年來都係要睇尾場
《張敬軒 X 香港中樂團盛樂》一連八場紅館演唱會，昨晚（29/11）終來到尾聲，一開始，張敬軒繼續以一身黑色長裙，大唱《酷愛》為個唱揭開序幕，及後又大爆張媽媽每逢睇演唱會都會選擇要尾場，令張敬軒大感不惑：「其實最初唔明點解尾場會特別受歡迎，就連我媽咪要買飛，佢都話要尾場，我以前成日都發忟憎，做乜一定要尾場，場場都係當尾場咁做㗎啦！但係入咗行時間耐咗先知道，識睇梗係睇尾場啦！」
受到疫情關係，每場只可容納一半的入坐率，有很多歌迷都未能成功買飛入場欣賞，大感失望，而向來愛錫歌迷的張敬軒，就與英皇娛樂連日商討後，終於決定加開網上一場，這個好消息，張敬軒亦有在尾場舉行期間宣布。
是次的網上加場，全面照顧世界各地軒迷，無論你身在何方，均可以安在家中，就能欣賞到軒仔這個清彩絕倫的演出，舉行日期為12月6日 (星期日) 晚上九點 ，《張敬軒 X 香港中樂團盛樂》「70分鐘網上精華版」，門票組合將於11月30日（星期一）下午6時於KKTIX.COM網站開售，是次經網上入場，票價分$38, $68及 $238三種。
門票組合A – 價格：HKD$38
「演唱會網上版門票一張」
門票組合B – 價格：HKD$68
「演唱會網上版門票一張 + 特別版盛樂明信片一套共12張」
門票組合C/D – 價格：HKD$238
「演唱會網上版門票一張 + 全球限量1,000隻的盛樂彩膠唱片一張」
（只限KKBOX香港白金會員訂購，7吋彩膠唱片特意收錄張敬軒 X 香港中樂團從未曝光「青春常駐」版本及演唱會特別版 。現場錄製作品，演繹細膩動人，全球限量共1000隻，極具收藏價值，軒迷必儲之選！ ）
購買網上演唱會方法 2個步驟即成
《張敬軒 X 香港中樂團盛樂》將於今日傍晚6點正式開售，想快人一步搶到門票，當然就要有多手準備啦！
1. 率先登記好成為KKTIX.COM會員
由於今次的門票是在KKTIX.COM上購買，因此，大家可以在門票開買前，率先登入KKTIX.COM成為會員，當時間一到，就可以搶先一步入手購買啦！
2. 購買門票
一到6點，KKTIX.COM就會開放，讓各軒迷可以點擊購買心水的門票組合，點擊後，再輸入資料完成購買程序。
