超強磁石夾爆 $7.8萬Apple Watch
廣告
美國人好鬼鍾意測試Apple產品嘅「受撞力」，同產品被破壞後到底重work唔work呢？今次終於輪到Apple Watch啦！
科技網站TechRax搵咗隻正常運作嘅「金撈級」Apple Watch Edition做測驗，呢隻價值78,800蚊嘅Apple Watch，配備18K金、藍寶石水晶表面同陶瓷表底，真係唔明啲老外點會捨得攞嚟做測試嘅？
咁到底點測試法呢？網站人員就攞嚟兩塊稀有而且磁力超級強嘅釹磁鐵（Neodymium magnet）去夾呢隻Apple Watch。呢種釹磁係一種有超強磁力嘅磁石，由極稀有金屬（釹、鐵、硼）製成，是全世界磁能積最大嘅物質，咁到底即係有幾強呢？原來兩塊相吸嘅力量可以以喺不足1秒內產生650磅嘅撞擊力，將表夾爆！
工作人員攞返隻表出嚟，已經見到表面粉碎，但再嘗試充電，電流仍然可以傳送，即證明核心機件未受破壞。呢隻Apple Watch Edition雖然「壯烈犧牲」，但足以證明其堅硬同超高保護度！
text-Oscar
由於衝擊力太大，工作人員都要小心翼翼咁，將2塊磁石推近。
