6．26荔園中環翻生 「吸蕉象」Tino回魂翻嚟撐場？
廣告
早兩個星期網上流傳荔園會喺嚟緊6月回歸，今日（5月21日）主辦單位終於開記招宣佈落實6月26日開幕，玩到9月初，yeahhh~~知你心急，即問地址，咪就係中環摩天輪旁，你呢年都去慣去熟啦又嘉年華又盛。
地點冇驚喜？唔緊要，入面嘅嘢好玩咪得。已知嘅「滑稽恐龍屋」、「經典掟階磚」、「夏日溜冰場」同「荔園城堡」（啲名係照dup新聞稿嘅，吹咩？我覺得係用番呢啲名至夠old school同親切嘛^^）會全部刻復再現，包你去到似十足去翻「舊屎」！另外更驚喜嘅係專吸人條蕉嘅大象Tino都會回歸！下？佢唔係死咗喇咩？回魂呀？
啋~~邊有咁猛！原來係主辦單位會「複製」一隻機械版出嚟，據講都係會噴水同吸你條蕉，男士見到都驚驚！
你又好好奇收幾錢入場呢？今日都公佈埋會以門票會以代幣形式發售，初定100蚊10個幣，全部可以拎番晒嚟用，抵吖！期待快到6月尾啦，到時睇下邊個最快喺fb post相洗板！
text-stanley
[…] ＞經典重現 荔園「吸蕉象」Tino回魂翻嚟喇﹗ […]