1000萬人like爆！ 2015最強cult片王《Kung Fury》網上免費睇
廣告
你可能未聽過呢套叫《Kung Fury》嘅Cult片，不過上星期五放上YouTube後，短短4日已經有超過1000萬點擊率！Cult片迷一定要睇！呢套戲係由瑞典人DavidSandberg自編自導自演—佢咪係主角Kung Fury囉！
text-東 photo-網上圖片
電影講被雷劈、被蛇咬後唔覺意打通任督二脈、成為武林高手嘅正義警察Kung Fury，要對抗史上武功最強嘅希特勒（你無睇錯，係功夫高手，別名Kung Führer）。
呢套片擺明車馬向80 年代美國警匪動作片、科幻片致敬。將《妖魔大鬧小神州》x《皇者之劍》x《侏羅紀公園》x《2020》x《電子世界爭霸戰》溝埋變成瀨尿牛丸。一套都未聽過？唔緊要，就算你90後出世都一定會鍾意呢套cult片。只因短短 30 分鐘嘅內容幾乎包含晒所有cult片元素﹕有街機變成嘅變形金剛、恐龍、維京人、雷神、希特拉…最緊要絕無冷場，gag位連連，而且放上YouTube免費任睇，係咪好吸引呢？
David Sandberg將呢個project放上Kickstarter集資，最終獲得超過 17,000 名捐贈者共63萬美金贊助。整部電影拍攝只靠Canon 5d，放喺 Youtube 3日已經有近千萬人點擊，勁到爆！
片中部分鏡頭都係用CG合成，演員都喺「綠幕」 場景中做戲，唔使搭景同整道具，大大節節省成本，但此消彼長，後期製作就需要大量時間，而集資番嚟嘅7成資金，全部用晒嚟聘請業內一流嘅C.G. artists，所以電影嘅C.G.真係非常迫真，可以媲美一級荷里活大片！
[…] ＞15最強cult片王《Kung Fury》網上免費睇 […]