【Pink】韓國潮人必蒲——三清洞
廣告
【韓謎日誌by Pink】今期我最想同大家介紹嘅熱點，就係揉合韓國傳統及時尚文化嘅三清洞。三清洞嘅附近有朝鮮時代王族居嘅景福宮，北有青瓦台，南邊係仁寺洞。而最吸引我嘅就係三清洞裏面嘅北韓村屋，以往呢度係朝鮮時代上流階級居住嘅地方。試想像下，位於呢個繁華都市裏面，外觀仍然保持着韓屋傳統面貌，而內部則改造為具有現代感嘅藝廊、餐廳、咖啡廳、餐廳、時尚流行小店等等，令呢種歷史悠久又充滿古時傳統風味嘅韓屋成為北村一帶獨特魅力之一。所以呢區嘅特色店家亦愈來愈多，因此成為好多藝術家或者潮人（例如我）甚至情侶們嘅聚腳熱點。
三清洞唔單止因為傳統韓屋而出名，喺韓屋面貌裏又帶丁點時代感，位於大街小巷內嘅特色coffee shop以及藝廊等都係三清洞受歡迎嘅原因。喺三清洞街頭，單係博物館就有超過40多間，除咗可以觀賞到韓國及世界各地藝術作品嘅多功能藝廊外，重有好多歐陸式露天coffee shop或各種別具特色嘅時尚雜貨小店。
內容延讀：
＞飛唔到去韓國 睇住韓國女團F(X)雪莉最新寫真先
＞再睇埋李光洙9大廣告代言
佢哋嘅餐廳有傳統嘅韓屋之外，亦有新派嘅西方美食，例如有韓國著名飲食節目《Tasty Road》採訪過嘅pasta店，客人可自選不同口味嘅醬汁及意粉。當日我所點嘅就係Radiatori Mix Carbonara 醬汁，即叫即製，意粉軟硬適中，醬汁香濃而不油膩，有酒店级水準而且價格合理，大家經過的話，不妨一試。
內容延讀：
＞飛唔到去韓國 睇住韓國女團F(X)雪莉最新寫真先
＞再睇埋李光洙9大廣告代言
而地鐵安國站1號出口對面就是仁寺洞，布滿古家具、美術品、小玩物等專賣店，仁寺洞大概係外國遊客最熟悉嘅景點之一，有文藝畫廊、傳統工藝品、精緻嘅風鈴。除此以外，仁寺洞為數眾多嘅特色餐廳亦都係遊客駐足嘅一大誘因。裏面重有個好似香港Soho區嘅PMQ，厭倦都市繁忙急速步伐嘅你，快啲嚟呢邊鬆一鬆啦！
Pink (핑크)
韓妝達人，本來過着刻板OL生活，自小愛扮靚，更鍾意韓國潮流文化，幾年前隻身遠赴韓國學藝，在江南著名化妝學府Atelier Makeup Academy實習，曾參與過無數韓國fashion shows的化妝實戰，亦試過為韓國小姐化妝。回流香港後，創辦Pink Evolution化妝學校，教授地道韓式化妝，又代理韓國化妝及護膚品牌。Pink長期港、韓兩邊飛，極為熟悉韓國地道及最新的潮流文化，連本土韓國朋 友亦為之驚歎！
詳情可瀏覽本人facebook 專頁PinkEvolution
