運動女生TELL YOU WHY：你揀啱邊種運動未？By T.Lum
最近流行蜜大腿、蜜臀、馬甲線，但其實全城齊運動、女生愛運動亦已經唔係甚麼新鮮話題。我亦喺以往嘅文字中提及到女生做運動的原因，（細文請到：女仔運動何止加10分？）同介紹過幾樣好玩運動（細文請到：運動3月）等。
亦因為呢種熱烈嘅運動風氣，市面上健身中心已經開到成行成市，新潮運動如潮流室內單車和跳彈床亦已進佔香港，星期一至五均有唔同跑團領跑、唔同團體帶cross-training、週末到戶外做瑜伽，林林總總，女生未流汗前，已事先用上半日時間選擇做邊種運動。
選擇1種適合自己嘅運動時，考慮因素可以有好多：金錢考慮、地點考慮、時間投資等等。而且唔少女生都對運動種類心存迷思同誤解，結果未玩之前已經覺得唔適合自己、唔好玩、太辛苦等等，最後都未開始嘗試，未到享唔享受過程，已經選擇放棄離場。
另外，女生亦都憂慮：「係唔係呢種運動只適合某種女生？我可能身體唔夠柔軟，又或者冇氣冇力，就唔應該玩呢項運動呢？」喺我本字典入面，冇絕對標準：運動並非只有黑與白，運動絕對可以激發一個女生嘅不同個性同不同面出來。
有鑑於此，今次「運動女生TELL YOU WHY」想講普遍女生對以下幾種運動所產生嘅誤解，以及實際上嘅運動真相。
跑步
迷思
1：跑步只重複同樣的動作，每次的變化亦不大，十分沉悶。
2：跑得多，腿好容易變粗。
3：跑得多，但身形未見改善，亦未能減去肚上肥肉，甚至練出腹肌。
運動真相
1：跑步係最容易入門嘅運動，每次嘅跑道同風景都可以唔同，而且重複嘅動作，可以俾你同朋友一邊談天一邊跑步，又或者把握時間重整自己思維。
2：跑得多，唔等於腿變粗；除非你要練短速快跑，否則，平時我會用均速跑最少30分鐘以上，加上只要跑完之後做番足夠伸展動作，修長嘅腿部肌肉線條會慢慢形成，非但唔會腿變粗，反會令你下身線條變美。
3：一般慢跑有助提升心肺功能和降低體脂肪，但並非形成肌肉嘅最主要原因。到後段，要開始加入肌力運動，先至可以邁向完美曲線身形。
迷思
1：瑜伽=拉筋？
2：只有身體柔軟嘅人先適合做瑜伽？我平時拉筋，腳眼都摸唔到，一定玩唔到瑜伽啦。
3：瑜伽好多動作都好難，做唔到會被其他人笑。
運動真相
1：瑜伽雖然有好多伸展動作，但更多時，有好多慢同靜態嘅肌耐力動作，我叫佢做「沉寂的爆發力」，唔聲
唔聲，係訓練同建立緊你嘅baby muscles。
2：其實冇話咩人先適合做瑜伽，無論高人、冇咁高嘅人、好瘦，或者豐滿少少嘅人，只要每日持之以恆，總有一日，你都可以練到身體十分柔軟，做到一字馬 （雖然我重未做到）。
3：好多時見到又Hand Stand，又凌空，真係好似好難。但邊個一出世就識行路呢？只要跟住教練指導，就可
以慢慢掌握動作要訣。並且，入門級當然有番入門級訓練啦。
行山
迷思
1：行山好似係老人家先做嘅運動。
2：就咁行下行下，運動量好似唔太大。
運動真相
1：你見發哥、潮人都行山就知呢種項運動係老少咸宜，其實好多後生仔都會一班人去行山，貪大家可以邊傾偈，邊探索香港大自然嘅新地方。
2：行山有好多上斜同落斜，好講究平衡力、腿部肌耐力。而且行山通常1次都成8公里以上路程，運動量其實都有番咁上下。
下頁繼續
內容延讀
＞跑步驚腳粗？「塑腿」3式完整教學，包你點操都唔粗！BY HIDY BOBO
＞療癒傷痛，擺脫低谷的2大運動 BY LIGHTONESS
游水/ 水上運動
迷思
1：我游水唔叻，個身唔識浮，游水都係唔適合我。
2：喺水度浸下浸下，慢慢游會唔會運動量好細？
3：游水好似係種好個人嘅運動，好似好悶咁。
運動真相
1：如果游水唔叻，有時手腳唔係好協調，可以嘗試分開手同腳唔同嘅運動練習，例如：利用浮板踢下腳先，其實都係運動1種。
2：游水其實係最有效嘅全身運動，雖然水有浮力，但其實都運用緊你手、腳、腹等全身肌肉。
3：有時運動唔需要每次都一大班人嘅，有時有1個人嘅時間，沉思一下，重整自己思維，好好同自己身體傾下偈都唔錯。
運動女生，唔應該俾自己有限嘅認知而限制做運動嘅種類，更加唔好未嘗試已經放棄。有趣嘅係唔同人做
T.LUM
1個鍾意做運動嘅女生。做運動好簡單，只要鍾意嘅、喜歡嘅、想試想做嘅，就可以行動。
內容延讀
[…] ＞運動女生TELL YOU WHY：你揀啱邊種運動未？BY T.LUM […]