超級限量 今週六賣 排硬大隊 AJ1 Shattered Backboard爆板！
繼上月尾對AJ1 Chicago元祖復刻搞到滿城風水，出街第1日炒到$5,800後（雖然經過美國Eastbay貨返到溝淡，呢2日已回落至4千頭），今個星期另1超超超勁…黑×橙色Air Jordan 1「Shattered Backboard」（俗稱「爆板」）會於今週六出街，講講對鞋來頭先。
原來係紀念30年前一場於意大利舉行嘅賽事，當時佐敦都有份上陣，「骨慘慘」嘅佢當時血氣方剛，我估重可能係首次出席啲大賽添！如狼似虎，飢渴過度……要爆喇！就喺一次進攻中展示佢嘅超強騰空力，老遠就起跳飛身入樽，可能衝力太猛，結果連籃板都拉爛埋，一地玻璃，場面震撼！但想知之後佐敦使唔使自已掃番啲玻璃碎囉！
為紀念呢件爆事，Nike今週以「Shattered Backboard」為題推出AJ1 OG，黑×橙配色就似佐敦當日着嘅波衫色，對鞋cutting跟足AJ1 Chicago同Fragment玩元祖高筒，皮都靚過人，呀~~~~~~個個都想要呀~~~~~~！
好！最後話你知點買？抽？NO！係排呀！對鞋會喺今週六（6月27日）於灣仔Jordan Store公開發售，嘩~~睇怕呢2日已經會有人開始排隊，打風落雨，濕身就梗，過2日好天30幾度、40幾個太陽照住，wow~~臭氣熏天，加埋唔同國藉嘅人爭位，我估，實有場重量級拳賽會展開！最後，又即管睇下對鞋炒到幾錢先？過萬？不是夢啊~~
text-singh photo-網上圖片
有甚麼波鞋推薦？
不論男女波鞋都是大家每天襯衫必備的單品之一，白波鞋更是百搭之選，必買10大易襯白波鞋，輕鬆carry每個造型！香港天氣變幻莫測，唔想濕住腳行街，一對Gore-Tex防水波鞋會是必然之選，若然唔好彩弄髒波鞋，即用這6招洗波鞋方法幫波鞋還原靚樣！
如何揀一對適合自己的波鞋？
揀鞋當然要揀一對啱size的鞋，的確很多人經常入錯波鞋size，以下就為大家綜合15款大熱波鞋size攻略，幫大家選擇最佳尺碼。除了尺碼，波鞋的性能也很重要，消委會測試了 11款防水行山鞋，大家不妨參考一下當中款式的優劣之處。最後當然是款式，最新New Balance復古經典鞋款再來襲，身為潮流達人的你快入手一對吧！
[…] ＞超級限量 今週六賣 排硬大隊 AJ1 Shattered Backboard爆板！ […]
[…] ＞Jordan入爆樽限定！AJ1「Shattered Backboard」 […]