同海賊王並肩冒險 《One Piece》3D畫展

&feature=youtu.be

近期唔少漫畫爭相開拍真人版電影，名氣長據漫畫榜no.1嘅《One Piece海賊王》，雖然拍電影版未有聲氣，但粉絲又唔使失望，因為佢喺世界各地嘅活動從未停過，好似遠嘅有大阪環球影城7月舞台劇，近又有今個月中台北嘅《One Piece》主題跑，重有即日起尖沙咀嘅「香港海賊王3D展」！
今次佢係全球首個以《One Piece》為主題嘅3D畫展覽，場內超過30幅作品任你selfie，我哋率先搵靚女model Blaire示範，學下點樣擺pose先可以完全融入《One Piece》世界！

text-Oscar photo-Tung model-Blaire@Unique Model

就啱角度融入場景

立體畫展最大特色係能夠俾參觀人士同畫互動selfie，以融入畫嘅場景之中。今次展覽，身為《One Piece》嘅粉絲就開心囉，事關30幅3D畫選咗漫畫中最經典嘅情節，包括同薇薇公主成為夥伴、拯救魯賓、同前進號道別等，甚至艾斯犧牲自己去救路飛嘅場景，大家都可以走入其中，同草帽海賊團一齊冒險，係咪好興奮？不過呢，要100%同場景融為一體，都要就啱角度，就等Blaire示範。

 
內容延讀：

＞日本運動漫畫一樣熱血！

＞《狐忍》做舞台劇，幾時到《One Piece》呢？

日本提供畫作槪念

舊年年中喺尖沙咀開業嘅「香港3D奇幻世界」，會定期切換主題同加入新3D畫，佢哋早喺舊年9月就開始籌備今次展覽，同日本東映動映傾合作事宜。大家喺展館睇到嘅一幅幅3D立體畫，係由日本嗰邊提供概念原畫，由香港展館設計立體構圖同製作，再經代理監督同修改先作最終審定，絕對係officially原汁原味！據奇幻世界負責人講，代理方面非常嚴格，要經歷多次修改先審批。「好彩都趕得切喺五．一假期前同香港fans見面。」

內容延讀：

＞日本運動漫畫一樣熱血！

＞《狐忍》做舞台劇，幾時到《One Piece》呢？

https://www.youtube.com/watch?v=BVWmIJ4E14Y

搶精品先填表

展館入面亦設有Pop-up Store，除咗一般嘅figures同模型，負責人話部分限量精品如索柏毛公仔帽等，將於6月陸續到港，有意購買嘅《One Piece》迷，記得填埋張訂購表格先好離場呀！

索柏毛公仔帽 $130（接受預訂）
限量精品之一，想好似索柏咁「打耳」嘅，必買！

Figuarts Zero劍鬥士路西 $200
以路飛最新德雷斯羅薩篇劍鬥士造型嘅1:6 figure。

芬奇將軍模型 $380
《One Piece》大型機械人，一定係芬奇將軍整出嚟嘅。

15週年版千陽號 $180
雖然《One Piece》15週年已經過咗，但呢隻紀念版千陽號，未買就快啲買！

內容延讀：

＞日本運動漫畫一樣熱血！

＞《狐忍》做舞台劇，幾時到《One Piece》呢？

革命家杜拉剛之船 $160
路飛阿爸杜拉剛出場機會唔多，但人氣一直高企，佢隻「革命船」亦屬較罕見嘅革命軍玩具。

索柏坦克模型 $80
呢隻未喺漫畫出現過嘅索柏坦克模型，係索柏迷必買玩具！

Figuarts Zero撒波 $240
撒波再次出現，唔止fans興奮，佢嘅products一樣大賣！

Figuarts Zero魯賓 $270
魯賓人靚又聰明，當然要買隻figure同女神朝夕相對。

香港海賊王3D展覽
日期：即日起至7月尾
時間：10:00am – 10:00pm
地點：尖沙咀加連威老道96號希爾頓大廈1樓香港3D奇幻世界
門票：$149、$100（3-11歲小童，及65歲或以上長者）
查詢：www.hk3dm.com.hk

內容延讀：

＞日本運動漫畫一樣熱血！

＞《狐忍》做舞台劇，幾時到《One Piece》呢？

訂定機價！ 去大阪睇《One Piece》舞台劇

https://www.youtube.com/watch?v=N3tAM8GTS7M

《One Piece》迷，記住呢個日子：5月15日，因為呢日係大阪環球影城《One Piece》舞台劇嘅門票開賣日！
舞台劇將於7月3日至9月6日公演，故事以路飛、艾斯同撒波嘅兄弟情誼為主軸，配合大量特技同爆破場面，為大家帶嚟動畫都俾唔到嘅視聽震撼！門票將於5月15日喺官網（www.usj.co.jp/onepiece/summer2015/index.html）公開預售。

內容延讀：

＞日本運動漫畫一樣熱血！

＞《狐忍》做舞台劇，幾時到《One Piece》呢？

送「香港3D奇幻世界」門票

「香港3D奇幻世界」現正舉行「香港海賊王3D展覽」，展出約30幅以《One Piece》場景為題嘅立體畫，俾大家同路飛一齊冒險！

現送出「香港3D奇幻世界」門票10套（每套2張），想要嘅朋友，請留意遊戲玩法，即有機會獲得。

・於網站comment/留言位置分享你最鍾意《One Piece》入面邊個角色同原因。

・填妥表格及遞交。

・《New Monday》將會揀出心水答案。

・得獎名單將會喺網站公布，得獎者將獲電郵通知。

遊戲截止日期︰16/5（中午12時），得獎者將獲電郵通知。

《New Monday》保留最終決議權

鳴謝：香港3D奇幻世界

內容延讀：

＞日本運動漫畫一樣熱血！

＞《狐忍》做舞台劇，幾時到《One Piece》呢？