美國蠱惑貓Toby 時代慶10歲生日
今次party除咗有多幅Toby作品展出，露天鐘樓旁重有隻6米高吹氣Toby。身為爸爸嘅Gary同我哋做咗個訪問，佢重大爆Toby好多好打耳嘅秘密。
text – Jessie photo – Pakco
跨媒體大師Gary Baseman
嚟自美國嘅Gary可謂周身刀：佢係畫家、插畫家、玩具設計師、攝影師、漫畫家、電視及電影製作人，及表演藝術家。佢啱啱先同國際潮牌Coach合作推出2015年春季系列，作品亦曾刊登於《滾石》、《紐約客》等著名國際雜誌。Gary曾製作迪士尼系列動畫《Teacher’s Pet》，更獲得「艾美」獎及「英國影藝學院電影」獎。
內容延讀：
＞睇埋同樣咁得意嘅蛋黃哥HEA住開CAFE
＞品牌搵Gary合作，有啲時裝品牌就鍾意用寵物呃like
Toby係貓？
Toby嘅爸爸Gary好鬼馬，佢喺現場狂發放笑彈，又話要爆Toby私隱。「偷偷哋話你知，Toby係貓嚟！我喺1992年已經創作咗Toby，但只係畫喺我自己啲sketchbook度，得我1個知。到咗05年，我想多啲人認識佢，於是舉辦展覽，重開始推出玩具公仔。」
Gary希望Toby可以成為大家嘅好朋友。「喺佢面前，大家都可以做番自己，就算同佢講任何秘密，佢都一定會幫大家保守秘密。而佢肚上面有隻大眼睛，代表佢可以睇到所有嘢，佢好清楚大家發生嘅所有事情。」
環遊世界留影
今次展館分有3個部分，其中一部分係展出Toby喺世界各地留影嘅相，事緣Gary去好多地方都會帶同1隻Toby喺身邊，訪問當日佢都有帶住，而且睇得出隻公仔好有歲月痕跡。咁究竟佢哋一齊去過幾多國家？「我冇統計過呀，不過我唔係去邊都帶住佢，我唔係傻嘅，哈哈。每次去新嘅地方，我先會帶埋佢去。睇到啲相，就會覺得Toby好似個普通人咁，佢會出現喺任何地方，同男女老幼都可以做朋友。而且今次展覽正好俾個機會我回想呢10年嚟同Toby一齊經歷過嘅嘢。」
「祝杜比生日快樂」展覽
日期：2015年5月21日至6月11日
時間：10:00am-10:00pm
地點：時代廣場廳堂博物館
費用：免費
查詢：2118 8900
內容延讀：
＞睇埋同樣咁得意嘅蛋黃哥HEA住開CAFE
＞品牌搵Gary合作，有啲時裝品牌就鍾意用寵物呃like
香港有甚麼地方適合與閨密、情侶，一大班朋友去？
與閨密、情侶約會的話，當然要選擇氣氛好的地方啦！全港12間必去天台酒吧 都超有feel，傾得興起難免會飲多幾杯，如果出現這些醉酒特徵 時就要適可而止了！返工返到攰，不如一齊去按摩店鬆一鬆，油尖旺按摩店 非常多，實有一間啱你。一大班朋想熱熱鬧鬧，燒嘢食最好不過了，即刻熟讀BBQ技巧7式 ，包你喺燒烤場上戰無不勝！
家居清潔有甚麼好方法？
家居清潔非常重要，做不好隨時影響健康！很多人因為床褥體積大不容易洗滌，而忽略了床褥清潔，即睇5招床褥清潔方法；冷氣機內外都容易累積大量灰塵，洗冷氣機方法好簡單，輕鬆洗走灰塵黴菌。當然做足家居清潔都不能避免曱甴入屋，10種有效消滅曱甴攻略幫到你！
