賀鳥山明歸位！瘋粉都唔會知 《龍珠》9大秘聞！
呢次全新動畫時間點會設定喺悟空同魔人布歐嘅戰鬥結束後，珠粉可能會諗：「唓！《龍珠》不嬲死唔斷氣，拍電視劇有乜出奇？」奇就奇在今次故事原案由鳥山明親自操刀！佢老人家技癢出山絕對係品質保證，超碼一定好睇過《龍珠 GT》啩？
《龍珠》風靡幾代漫畫迷，忠粉喺新劇來臨前，會唔會重溫所有漫畫、電影？不過就算你睇到爛熟，都未必知道下面嘅9大秘聞！
text-Jessie photo-網上圖片
1. 最強戰鬥力角色？
戰鬥數值絕對係《龍珠》最偉大嘅設定。到底系列裏面邊個最好打，肯定係粉絲最感興趣嘅問題。如果唔計屈機嘅悟空比達合體人「格古達」（粉絲推測係25億），到底邊個最好打呢？
除咗原著漫畫同埋原創動畫入面有提及過戰鬥力數值外，鳥山明喺《龍珠大全集7》中亦記述咗一啲人物嘅戰鬥力數值，不過喺以下圖中全集嘅結尾亦有講，喺菲利篇之後啲角色戰鬥力數值已經大得無法推測。所以官方從來都冇公布過菲利篇之後嘅數值。如果喺網上睇到除此以外嘅數值，都唔係官方數據，只係粉絲推測。
網上就有粉絲估計成個系列最好打嘅頭幾位：菲利阿哥古拉有4億7、真正超級撒亞人布羅利有14億、悟空超4有20億，重有最新劇場版中《復活之F》復活嘅菲利，官方話佢嘅戰鬥力有100,000,000,000,000,000,000！！！！你知唔知點讀？不過呢，都應該唔夠喺《神與神》中出現嘅破壞之神比魯斯打。
2. 鳥山明設定角色愛用食物名？
呢樣真正忠粉應該好早發現，例如撒亞人日文係サイヤ人Saiyajin，Saiya喺日語中有蔬菜嘅意思，jin就係人，所以，如果直接按字面翻譯就係「蔬菜人」咁解。
幾乎所有《龍珠》內角色嘅名都用各種食物命名：
孫悟空嘅撒亞人名Kakarot，係carrot紅蘿蔔嘅諧音。
比達Vegeta，一睇就聯想到vegetable，即係蔬菜。
孫悟空哥哥拿迪斯Raditz，即係radish，都係蘿蔔嘅意思。
立巴Nappa，個名係嚟自napa-cabbage，即係大白菜。
地球人阿樂Yamcha，即係飲茶。
動物型地球人八戒Oolong，即係烏龍。
鶴仙人徒弟餃子Chiao-tzu。
內容延讀：
《狐忍》再連載！ 劇情大解構
香港首個 美少女戰士20週年時裝企劃
合味道妹「天使般的美少女」橋本環奈 （16P）起底圖鑑
3. 比達原來有個細佬？
身為撒亞王子嘅比達，個性驕傲好勝，但原來王子唔止得佢1個，佢重有個細佬。個樣同比達幾乎一樣，因為佢性格比較溫和，喺佢哋星球被毀滅後，冇成為菲利手下，而係移居咗去邊境行星平靜咁生活，佢唯一喺2008年嘅OVA《歸來！悟空與他的夥伴們》中出現過。
http://www.youtube.com/watch?v=eDIqC4zRXe0
4. 比達其實係舞林高手？
比達係個戰鬥狂就應該大家都知，不過應該好少人知道佢擁有好強嘅舞藝。佢喺《龍珠Z神與神》中，為勢所迫，突然要即興又唱又跳，先至令粉絲知道原來佢嘅唱跳能力都幾高喎！
5. 撒旦原名叫做馬克（マーク）？
喺《龍珠》入面一向好有喜劇感嘅撒旦，其實佢原名叫做馬克（マーク），以日文嘅假名轉換之後，就會由マーク變成アクマ，又即係惡魔嘅意思，而撒旦就係惡魔個名，所以就用咗嚟做佢個「藝名」，真複雜！
內容延讀：
《狐忍》再連載！ 劇情大解構
香港首個 美少女戰士20週年時裝企劃
6. 《勇者鬥惡龍5》人氣女角疑似客串演出
同樣係鳥山明所畫嘅《勇者鬥惡龍5》中，有個人氣女角色比安卡。喺《龍珠改魔人歐布篇》入面，魔人歐布去麵包店搶劫時，有個店員同比安卡好似。不過都有可能只係「人有相似」。
喺《龍珠》入面死係好平常嘅事，撒旦喺多個篇章入面都好順利咁避過死亡嘅危機，就算喺外傳劇場入面，佢都一樣冇死過，佢真係極命大。
9. 《龍珠Z》片尾曲隱藏咩訊息？
就咁聽首《龍珠Z》片尾曲，會覺得係冇乜特別嘅咒語之類，但如果將佢逆向播放，就會發現原來佢隱藏咗一連串工作人員嘅名，好有趣！
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
