【熱夏消暑系列】你都會想被佢射！李光洙孖Nana鴛鴦戲水~~~槍

去玩去癲，嚟Ocean World (今次唔係Ocean Park呀)！呢個Ocean World海洋世界係Vivaldi Park(維瓦爾第公園海洋世界)嘅一部份，嚟自韓國，位處韓國江原道洪川郡八峰山3,400,000坪嘅腹地，規模係14個足球場咁大，可同時容納18,000人。呢度冬天係國際聞名嘅滑雪場，到咗夏天就係主題水世界。今夏搵嚟亞洲王子李光洙同女團After School嘅Nana齊齊做代言人，雖然唔係齊齊着泳衣，但係齊齊玩水……槍，射呀射，射他/她吧！同樣令你睇得過癮又涼快！韓國，I miss you！家陣唯有眼睛去住旅行先啦！話時話，有冇一絲令你諗起咱們嘅青龍水上樂園呢？