動漫迷J硬 Toyota再乘 高達Gundam 今次預埋渣古
廣告
今個暑假 高達Gundam 真係超hit，香港呢邊有時代廣場Wing Gundam同渣古展，將隻身高9.8米嘅Wing Gundam Zero EW吊喺商場中間，呢期facebook係咁洗版，大人細路睇得高興！
日本呢，嚟緊會有《機械人大戰》手電版首推出，班低頭Gundum族呢鑊有排J！唔只，連Toyota都聯乘 高達Gundam 出車…都唔係第一次啦下嘩！的確唔係首次，2013年已搵嚟當時新車仔Auris（港版為Prius）推出紅彗星版，香港都有水貨返過，型到不得了㗎！
今年係呢架車仔出facelift版，所以再食多次橋出Gundam版，但今次唔同在除咗紅彗星版外，重會有埋渣古版，綠色車身勁有軍事味，我覺得型仔過紅彗星喎！呀，下次諗下出大魔版，紫色好殺啊！
text-singh photo-網上圖片
高達Gundam 望到都頭痕
阿寶成日問人：「俾佢抖下得唔得？」但估唔到Toyota真係俾佢抖，出2次車都冇 高達Gundam 份，你話頭唔頭痕？對高達迷嚟講，但對自護軍粉絲嚟講，緊係開心都震！順帶一提，今次出2款特別版車，你可能以為只係顏色上嘅分別？原來唔止，連性能都有差別，大概分別可睇spec，馬力方面渣古架得105hp，紅彗星版有116hp，雖然分別都唔係話好大，但點都唔可以妹仔大過主人婆嘅！
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
[…] >揸航拍機唔夠喉 睇埋Toyota渣古版真車 […]