星．民全潮玩《Dubsmash》 對嘴自拍玩咗未？
廣告
Rihanna、Hugh Jackman、Kate Upton、Karlie Kloss、Joan Samlls、Ben Stiller、薛凱琪、陳意涵、麻利……數之不盡嘅明星都玩，去ig搵hashtags #dubsmash影片數量多到睇唔晒，官方估計已超過130萬條片同呢個App有關！講緊嘅係新型自拍App《Dubsmash》，推出半年唔夠，全球使用者就已經超過2千萬人，足跡遍及192個國家。《Dubsmash》係一款社群自拍App，擁有各種古怪聲音類型嘅音樂庫，由時下熱門歌曲、經典影視同卡通對白，到廣告台詞同動物叫聲都應有盡有，揀好「背景音樂」之後，再用前鏡夾嘴形就可以自拍。聽落無聊，但正正滿足到社群網絡一眾自戀達人嘅需要，而且佢每條影片都只得幾秒長，拍攝及分享都非常容易，最啱share去ig呃like！
text – Nam photo – 網上圖片
Dubsmash點彈起？
《Dubsmash》並唔係一開始就咁順利，甚至曾申請App Store上架兩次都唔成功。當初開發成員Jonas Drüppel、Roland Grenke同Daniel Taschik三個人構思咗一個App，令用戶可以將自拍影片加入原創音樂分享，叫做《Starlize》，但明顯個App意念太複雜，唔夠「喱民」，結果失敗收場，直到Jonas同Daniel送咗1個soundboard俾Roland後，佢哋先突然靈光一閃，發現自拍影片唔應該只局限於原創「音樂」，應該係唔同類型嘅「聲音」，而且製作必須夠簡單，影片亦應該更短，終於俾佢哋諗出《Dubsmash》呢個App。但《Dubsmash》唔係一出即火，講到最大轉捩點，其實係3月天后Rihanna透過社交平台宣布將自己首新歌《Bitch Better Have My Money》放咗喺《Dubsmash》，重叫fans下載，結果一夜之間全美國都玩緊呢個App，所以話運氣嘅嘢都冇得估。
有沒有關於香港的有趣盤點？
香港地從來不乏心靈熱點，香港不少地方均設立行刑場，正正是大部分屋邨興建時的前身，盤點香港猛鬼屋邨 ，信不信由你！不少朋友都喜歡想當年，香港懷舊小食 及這10款最愛夾糖是不少人的共同回憶，沒有高檔的食材，卻塑造出最難忘的味道。提到昔日蒲點，旺角絕對係大家留低最多腳毛嘅地方，千禧年代必去蒲點 ，你又去過幾多個呢？
有甚麼必學生活小智慧？
天氣時熱時凍，容易令人患上小感冒，唔想次次依靠藥物？可以試試這8招必學鼻塞穴位方法及7大喉嚨痛舒緩方法。除了感冒外，生痱滋亦非常影響日常生活，坊間有各式各樣的解決痱滋方法，助你解決痛楚！
關鍵詞
Dubsmash
